Pontzio Pilato

Pontzio Pilato (latinez: Pontius Pīlātus; antzinako grezieraz: Πόντιος Πιλάτος, Pontios Pīlātos), erromatar prefektua izan zen Judean 26 eta 36 urteen artean, Tiberio enperadorearen erregealdian.

Pontzio Pilato
Irudi gehiago
Judea (erromatar probintzia)eko Erromatar gobernadorea 26 - 36 ← Valerius Gratus (en)
Bizitza
Jaiotza	Abruzzo, ?
Herrialdea	Antzinako Erroma
Heriotza	ezezaguna eta Palazuelos de Eresma, ezezaguna (2034/2035 urte)
Familia
Ezkontidea(k)	Pontius Pilate's wife (en)
Hezkuntza
Hizkuntzak	greziera latina
Jarduerak
Jarduerak	politikaria eta goi-funtzionarioa
Santutegia
Ekainaren 25
Zerbitzu militarra
Adar militarra	Erromatar armada
Gradua	legatus (en)

Prefektu izendatu aurretik eta ondorengo bere bizitzaren xehetasunak ez dira ezagutzen, baina elezaharrak ordezkatu ditu: horren barnean, bere emaztearen balizko izena dago, Santa Prokula (santu kanonizatu zuen Eliza Ortodoxoak), baita Tarracon jaio izana ere. Etiopiako Eliza Ortodoxoko santua da.

Tiberio enperadoreak Judeako prokuradore izendatu zuen, enperadorearen pretorioaren prefektu Luzio Elio Sejanoren gomendioz: hura Julia Vipsania Agripinaren arerioa zen eta antisemita ospea zuen.

Judea erromatartzen saiatu zen, arrakastarik gabe, Enperadorearen gurtzarako irudiak sartuz eta akueduktu bat eraikitzen ahaleginduz, Tenpluaren funtsekin. Juduekin zituen desadostasunek bere agintearen egoitza Zesareatik Jerusalemera eramatera behartu zuten, matxinadei hobeto aurre egiteko. Pilatok, gainera, muturreko taldeei aurre egin behar izaten zien, horien artean, Barrabasi, erromatar soldadu baten hiltzaileari. Talde iraultzaile horiek buruhauste ugari eman zizkioten Pilatori.

Pilato Ebanjelioetan

Ebanjelioen arabera, Jesus soldadu armatu batzuek preso hartu zuten, Kaifas eta apaiz gorenen aginduz. Pilatori Jesus exekutatzeko eskatu zioten, heriotza zigorra erromatarrek soilik ezar baitzezaketen. Errudun ikusten ez zuen arren, Pilatok herriari utzi zion Barrabas edo Jesus askatzeko erabakia hartzea.

Apaiz nagusiak buru zituela, herriak Barrabas askatzea eta Jesus gurutziltzatzea erabaki zuen. Horren aurrean, Pilatok eskuak garbitu zituen, jendetzak nahiarekin zerikusirik ez zuela izan nahi adierazteko. Pilatok "Ez naiz gizon horren heriotzaren erantzule! Zeuek ikusi!" esan zuen, eta jendetzak "Geu eta gure ondorengoak egiten horren heriotzaren erantzule!" erantzun.

Filmografia

Urtea	Filma	Zuzendaria	Pertsonaia
2007	L'inchiesta	Giulio Base	Hristo Shopov
2004	The Passion of the Christ	Mel Gibson	Hristo Shopov
1979	Brianen bizitza	Terry Jones
1977	Gesù di Nazareth	Franco Zeffirelli	Rod Steiger
1965	The Greatest Story Ever Told	George Stevens	Telly Savalas

Kanpo estekak

Wikimedia Commonsen badira fitxategi gehiago, gai hau dutenak: Pontzio Pilato

• Datuak: Q17131
• Multimedia: Pontius Pilate / Q17131