Ubarroi
Ubarroia da Phalacrocorax generoko hegaztiei ematen zaien izen generikoa. Uretako hegaztia da eta arrainak ditu elikaduraren oinarri. Taxonomia garatu ahala, generoa berezko ubarroiak izendatzeko erabili zuten, ubarroiek Phalacrocoracidae familia osatu baitzuten.
| Ubarroi | |
|---|---|
| Kretazeo Berantiar-gaur egun | |
 | |
| Sailkapen zientifikoa | |
| Klasea | Aves |
| Ordena | Suliformes |
| Familia | Phalacrocoracidae |
| Generoa | Phalacrocorax Brisson, 1760
|
| Azpibanaketa | |
Ikusi testua
| |
Espezieak
aldatuMunduan 30 espezie inguru dira, eta horietako bi Euskal Herrian bizi dira[1], kostaldean eta itsasotik gertuko ibai tarteetan:
- Ubarroi handia (Phalacrocorax carbo)
- Ubarroi mottoduna (Phalacrocorax aristotelis)
Euskarazko izenak
aldatuEuskaraz, hainbat izenekin ezagutzen da kostaldean hegazti hau. Potorro edo pottorroa (Bizkaian batez ere), sakilloa, karrabasoa, bolborina, itsas-belea... Muga semantiko oso lausoak izan ohi dituzte izen hauek: toki batzuetan, Phalacrocorax edo berezko ubarroiak izendatzeko erabiltzen dira, beste batzuetan uretako beste hegazti batzuk adierazten dituzte. Esate baterako, potorroa esaten zaie ubarroiei herri batzuetan, eta Alca torda espezieko txoriei beste batzuetan.[2]
Erreferentziak
aldatuWikimedia Commonsen badira fitxategi gehiago, gai hau dutenak: Ubarroi  |
- ↑ Ubarroia lehiakide desleiala, batzuentzat, Rafa Saiz Elizondo, Zientzia.net[Betiko hautsitako esteka], 2005.01.01
- ↑ Itsas txorien izenak Mendabaldean, Eneko Barrutia
Datuak: Q19401
Multimedia: Phalacrocorax / Q19401
Espezieak: Phalacrocorax
