Petra Azpiroz

maistra espainiarra

Petra Azpiroz Lazkano (Leitza, 1916 - Iruñea, 1995) nafar irakaslea eta euskazalea izan zen.

Petra Azpiroz
Bizitza
Jaiotza Leitza, 1916
Herrialdea  Nafarroa Garaia, Euskal Herria
Heriotza Iruñea, 1995 (78/79 urte)
Jarduerak
Jarduerak irakaslea

BizitzaAldatu

Familia euskaldun batean jaioa, 14 urterekin Iruñera etorri zen irakasle-ikasketak egitera. 17 urterekin titulua lortuta, Gipuzkoako oposizioak prestatzen hasi zen –han euskal eskolen sorrera-mugimendua abiatua zen–. Espainiako Bigarren Errepublikaren hasiera zen, eta Iruñean abiatua zen, Euskararen Adiskideen Elkarteak sustatuta, Escuela Vasca izenekoa sortzeko asmoa, Julia Fernandez Zabaleta, Catalina Alastuey eta Maritxu Viscarret horretan zebiltzala. Lizarran ere bazen euskal eskola bat sortzeko grina, eta Eusko Ikaskuntzak egin zion Petrari hura sortzeko eskaera: Petrak baiezkoa eman zuen. Lizarrakoa abiatu bitartean, Iruñeko Euskal Eskolan egon zen irakasle, eta horrek ikasteko balio izan zion. Azpiroz izan zen Gerra Zibilaren aurreko lehen euskal andereñoa.[1]

Lizarran, adin ezberdinetako 10 haurrekin hasi hiru urtera 43 ikasle ziren. Neskek eta mutilek batera ikasten zuten, eta ohiko ikasgaiez gain euskal kantak eta dantzak ere erakusten zizkien Azpirozek. Helduen euskalduntze zereginetan ere ibili zen. 1936ko udan, faxistak Lizarrako eskolan sartu eta erre zuten. Eskola betiko itxi zen. Hurremgo ikasturtearen hasieran, Azpirozek Irakasle gisa aritzeko desgaikuntza gutuna jaso zuen, pertsona non grata zela adierazita. Geroztik ez zen gehiago irakasle bezala aritu.[2]

ErrekonozimenduakAldatu

  • 2019ko abenduan Iruñeako Kondestablearen jauregian Hemen baditun 14 erakusketan omendu zuten, XX. mendean zehar euskararen sustapen eta normalizazioaren alde arituriko emakumeak omentzeko erakusketa.[3][4][5]

ErreferentziakAldatu


  Artikulu hau Nafarroa Garaiko biografia baten zirriborroa da. Wikipedia lagun dezakezu edukia osatuz.