Padjelanta Parke Nazionala

Padjelanta Parke Nazionala (suedieraz: Padjelanta nationalpark), Suedia iparraldeko parke nazional bat da, Jokkmokk udalerrian dagoena, Norrbottengo konderrian. UNESCOk Gizateriaren Ondare izendaturiko Laponiako eskualdearen barnean dago.

Padjelanta Parke Nazionala
Kokalekua	Suedia
Azalera	1.984 km²
Sorrera	1962

Sami kultura

Parkearen izena samierazko Badjelánnda izenetik dator eta "lur garaiak" esan nahi du. Sami etniak populatzen du eta hainbat herrixka izateaz gain elur-oreinak bazka dezaten zelai zabalak dituzte.

Geografia

Suediako Parke Nazional handiena da, 1.984 km²-ko azalera baitu. Norvegiarekin mugan dago eta ekialdean duen Sarek Parke Nazional malkartsuaren aldean Padjelanta lautada zabal bat da. Bi aintzira handi daude barnean, Vastenjávrre eta Virihávrre.

Flora

Lur garaiak izanik, zuhaitzen mugatik gora kokatzen da parkearen gehiengoa eta zuhaixka espezie gutxi batzuk baino ez dira azaltzen. Urki zuri menditarraren baso txikiak ere azaltzen dira.

Liken eta goroldioetan aberastasun handia dauka eta 400 espezie deskribatu dira.

Fauna

Ugaztunak ez dira ugariak, aipagarrienak elur-oreina, leminga, jatuna eta azeri artikoa dira.

Hegaztien dibertsitatea aldiz oso handia da. Lautada zabaletan urre-txirri arrunta, negu-txirta, ipurzuri arrunta, eper zuria, txirri lepokoduna, kurlinta bekainduna agertzen dira. Aintziretan ordea izotz-ahatea, zertzeta arrunta, ahatebeltz arrunta, mendebal-txori mokomehe, borrokalaria, temminck txirria, bernagorri arrunta. Basoetan txoka txikia, txio horia, ipar-berdantza, papourdina eta birigarro hegal gorria.

Turismoa

Padjelantaleden izeneko mendi ibilbideak 160 kilometrotako luzera dauka.

Iruditegia

• 
• 
• 
• 
• 

Kanpo estekak

• (Ingelesez)(Suedieraz) Parkearen webgune ofiziala

• Datuak: Q692011
• Multimedia: Padjelanta National Park