Sarek Parke Nazionala

Sarek Parke Nazionala (suedieraz: Sarek nationalpark), Suedia iparraldeko parke nazional bat da, Jokkmokk udalerrian dagoena, Norrbottengo konderrian. UNESCOk Gizateriaren Ondare izendaturiko Laponiako eskualdearen barnean dago.

Sarek Parke Nazionala
II. maila: parke nazional
Datu orokorrak
Mota	Parke nazional
Azalera	198.465,57 ha
Geografia
Koordenatuak	67°17′18″N 17°40′09″E
Honen parte da	Laponiako eskualdea
Estatu burujabe	Suedia
Suediaren banaketa administratiboa	Norrbottengo konderria
Suediako udalerria	Jokkmokk udalerria

Geografia

Suediako Parke Nazionalen artean bigarren handiena da, 1.970 km²-ko azalera baitu. Padjelanta Parke Nazionalaren eta Stora Sjöfallet Parke Nazionalaren artean kokaturik dago. Ingurune malkartsua da, izan ere Suedian dauden 2.000 metrotik gorako 13 mendien artean sei Parkearen barnean daude, hauen artean aipagarriena herrialdeko bigarren garaiena den Sarektjåkkå (2.089m).

Hiru paisaia eremu bereizten dira Parkean: Haran zabalak, mendi handiak eta goi-ordokiak. Haran handiena Rapa harana da, 40 km² hartzen dituena. Sarektjåkkå mendiaren glaziarren urtzeak sortzen duen Rapa ibaia (Rapaätno) da Parkeko ibai luzeena eta Laitaure aintzirara isurtzen ditu urak.

Iruditegia

• 
  Sarektjåkkå mendia.
• 
  Mikka glaziarra, Sarektjåkkå mendian.
• 
  Rapa harana.
• 
• 

Kanpo estekak

• (Ingelesez)(Suedieraz) Parkearen webgune ofiziala

• Datuak: Q945780
• Multimedia: Sarek National Park / Q945780