Ireki menu nagusia

Mendekoste (antzinako grezieraz: πεντηκοστή [ἡμέρα]pentekostē [hēmera], "berrogeita hamargarren eguna") kristautasuneko jai garrantzitsuenetakoa da, Pazkotik zazpi astera ospatzen dena. Jaiegun honetan, kristauek Espiritu Santua apostoluen gain etorri zen eguna gogorarazten dute (Apostoluen Eginak liburuko 2. kapituluan kontatzen da gertakizun hau).

Mendekoste eguna
Folio 79r - Pentecostes.jpg
XV. mendeko eskuliburu bateko irudia, Mendekoste eguneko jazoera agertzen duena. Apostoluak, Andre Maria eta gainerako ikasleak Espiritu Santua hartzen.
Mota Kristaua
Data
Data [[Pazkoa + 49 egun]]
2018

Maiatzaren 20 (Mendebaldea)

Maiatzaren 27 (Ekialdea)
2019

Ekainaren 9 (Mendebaldea)

Ekainaren 16 (Ekialdea)
2020

Maiatzaren 31 (Mendebaldea)

Ekainaren 7 (Ekialdea)
2021

Maiatzaren 23 (Mendebaldea)

Ekainaren 20 (Ekialdea)

Kristautasuneko beste hainbat jaiegun bezala, judaismoko jaiegun batekin lotzen da (Shavuot) jaia. Juduek egun honetan Jainkoak Moisesi Legea (Hamar Aginduak) eman izana oroitzen dute.

Bibliaren arabera, Mendekoste egunean Jesusen ikasleak Azken Afariko gelan elkarturik zeuden, ateak itxita. Goizean goiz zarata izugarri bat entzun zuten eta, bat-batean suzko irudi bana jarri zitzaien ikasle bakoitzari buru gainean, Espiritu Santuz bete ziren eta atzerriko hizkuntzetan mintzatzen hasi. Gertakizun horren ondoren, gelatik atera eta Jerusalemen zehar Jesusen bizitzaren, irakatsien, heriotzaren eta piztueraren berri ematen hasi ziren. Egun horretan bertan, hiru mila lagunetik gora batu zitzaizkien eta bataioa hartu zuten.

Kanpo loturakAldatu

Wikimedia Commonsen badira fitxategi gehiago, gai hau dutenak: Mendekoste