Meat Loaf
Marvin Lee Aday (1947ko irailaren 27a, Dallas, Texas), Meat Loaf izen artistikoz ezaguna, estatubatuar antzezle eta abeslaria da. 1966an Kaliforniara joan zen, eta zenbait musika-taldetan abestu zuen, The Rocky Horror Picture Show (1975, Jim Sherman) filmean parte hartzeaz gainera. Jim Steinman musikagilearekin batera, Bat Out Of Hell disko ospetsua kaleratu zuen. Diskoan musika klasikoan inspiratutako musika jasoa heavy metaleko elementuekin nahasi zuen. Izugarrizko arrakasta izan zuen, eta 400 astez egon zen disko salduenen zerrendan. Hurrengo diskoak, Dead Ringer (1981), aurrekoaren ezaugarri berak zituen, eta Meat Loafen rock gotiko sintetikoak onarpen zabala zuela frogatu zuen. Geroago, ahotsarekin arazoak zituela eta, zineman lan egiten hasi zen. Nolanahi dela ere, 1993an, Back Into Hell diskoa kaleratu zuen, bere lehen Bat Out Of Hell haren jarraipen gisa edo, eta izugarrizko arrakasta izan zuen harekin ere. Arrakasta horren ondoren, munduan zehar bira bat eginda, beste disko bat kaleratu zuen 1995ean, "Welcome To The Neighbourhood", baina ez zuen espero izandako arrakastarik lortu, eta diskoak ekoizteari utzi zion. Garai horretan, aktore-lanei ekin zien, kontzertuak ere eman bazituen ere. 2003an Couldn't Have Said It Better diskoa atera zuen, eta 2006an Bat Out Of Hell III: The Monster Is Loose.
| Meat Loaf | |
|---|---|
 | |
| Bizitza | |
| Izen osoa | Marvin Lee Aday |
| Jaiotza | Dallas, 1947ko irailaren 27a (72 urte) |
| Herrialdea |
 Ameriketako Estatu Batuak |
| Lehen hizkuntza | ingelesa |
| Familia | |
| Seme-alabak |
ikusi
|
| Hezkuntza | |
| Heziketa |
University of North Texas (en)  Lubbock Christian University (en) |
| Hizkuntzak | ingelesa |
| Jarduerak | |
| Jarduerak | aktorea, musikaria, egile abeslaria, disko-ekoizlea eta gitarra-jotzailea |
| Jasotako sariak |
ikusi
|
| Nominazioak |
ikusi
|
| Izengoitia(k) | Meat Loaf |
| Genero artistikoa |
rocka heavy metala hard rocka Rock progresiboa |
| Ahots mota | tenorra |
| Diskoetxea |
Arista Records Cleveland International Records (en) Epic Records RCA MCA Inc. Polydor Records Sanctuary Records (en) Mercury Records (en) Virgin Records Motown Records |
| IMDb | nm0001533 |
| meatloaf.net | |
ErreferentziakAldatu
Wikimedia Commonsen badira fitxategi gehiago, gai hau dutenak: Meat Loaf  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
  |
Artikulu hau Texasko biografia baten zirriborroa da. Wikipedia lagun dezakezu edukia osatuz. |
