Motown, baita Tamla-Motown ere, estatubatuar diskoetxea da, musika beltza ekoizten duena. Detroiten sortua (Detroitek «Motor City», motorraren hiria, izengoitia du eta hortik datorkio bere izena Mot–, motorraren erroa, eta –town, hiria esan nahi duena), estatubatuar musika popularretan ikaragarrizko eragina izan du eta baita mundu osokoan ere. Berry Gordyko sortu zuen 1959ko urtarrilaren 12an Tamla Records izenpean. 1960ko hamarkadan bere urrezko aroa bizi zuen eta «Motown Sound» izeneko bere soinua garatu zuen.
Egun hainbat marka ditu, estiloaren arabera:
- Soul: Motown, Tamla, Gordy, Mel-o-dy, Miracle eta Mo-West.
- Gospel: Divinity.
- Rock: Infinity, Morocco, Rare Earth eta Ardent.
- Jazz: Blaze, Chisa eta Workshop.
- Country: Hitsville, Melodyland eta MC.
- Besteak: Ecology, Gaiee eta Black Forum.
