Marfan sindrome

Marfan sindromea ehun konektiboan eragiten duen gaixotasun autosomiko eta dominantea da. Mutazioek FBN1 geneari eragingo diote, fibrilina proteinaren geneari. Hau, ehun konektiboko matrize estrazelularraren antolatzaileetako bat da ehun konektibo elastiko eta ez elastikoan. Honen ondorioz, mutazioak eragindako fenotipoa gorputz osoan barrena zabalduko da

Marfan sindrome
Marfan Patient.jpeg
Deskribapena
Mota marfanoid (en) Itzuli, Larruazaleko gaixotasun bakterianoa
eye disease (en) Itzuli
Espezialitatea medikuntza genetikoa
Sintoma(k) dolichostenomelia (en) Itzuli, flat feet problems (en) Itzuli, mitral valve prolapse (en) Itzuli, eskoliosia, inbutu erako bularraldea, gila erako bularraldea, aortic aneurysm (en) Itzuli, aortic dissection (en) Itzuli
Ectopia lentis (en) Itzuli
Asoziazio genetikoa FBN1 (en) Itzuli
Honen izena darama Antoine Marfan (en) Itzuli
Identifikatzaileak
GNS-10-MK Q87.4 eta Q87.40
GNS-9-MK 759.82
OMIM 154700
DiseasesDB 7845
MedlinePlus 000418
eMedicine 000418
MeSH D008382
GeneReviews NBK1335
Disease Ontology ID DOID:14323
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

FenotipoaAldatu

Gaixoek oso fenotipo aldakorra adieraziko dute. Hala ere, guztiek izango dituzte hainbat ezaugarri komun. Tipikoki, lau multzotan bereiz ditzakegu ezaugarri fenotipikoak: eskeletikoak, begiaren ingurukoak, kardiobaskularrak eta besteak.

Dena den, eta laburbilduz, esan dezakegu gaixoak garaiak, malguak eta hatz luzedunak izan ohi direla, eta begiko kristalinoekin hainbat arazo dituztela, miopia eta dislokazioa besteak beste. Gainera, azpimarragarria da sistema kardiobaskularrean duen eragina, aortaren dilatazio eta aneurismen sorrera adibidez (azken biak gaixoen heriotza arrazoi nagusienak dira).

Genea eta mutazioaAldatu

Gaixotasun autosomiko dominantea da, FBN1 geneari eragingo diona. Gene handia eta zatikatua da, domeinu errepikakor askoko proteina kodifikatuko duena. Marfan sindromea sortarazten duten 500 mutazio baino gehiago topatu dira. Domeinu errepikakor gehienek fibrilina monomeroen arteko loturetan hartuko dute parte, beraz, mutazio asko egongo dira mikrofiruen mihiztatze okerra eragingo dutenak.

Dominante negatibo efektua emango da, hau fibrilinak polimeroak osatzen dituelako gertatuko da. Nahikoa izango da azpiunitate bat akastuna izatea proteina guztia akastuna izateko. Honek esan nahi du hobe dela alelo nulua sortuko duen mutazio bat (nonsense eta frameshift, tipikoki) izatea, proteina akastun bat sortuko duen mutazioa (missense, tipikoki) izatea baino. Missense motako mutazioak dira ugarienak. Dena dela, alelo nulua sortaraziko duten mutazioetan haplogutxiegitasuna ematen da, fibrilina kopuru erdia izanda ez da nahikoa ehun konektiboaren funtzio normal bat izateko eta Marfan fenotipoa sortuko du.

Fibrilina proteinaAldatu

Fibrilina proteinak ezinbesteko funtzioa du ehun konektiboan. Kolagenoaren antolamendu espazialean parte hartuko du eta elastina proteinari lotuko zaio zuntz elastikoak osatzeko. Elastina zuntzen egituratze oker batek aneurismak sor ditzake, elastinak arterietan oso funtzio garrantzitsua baitu. Fibrilinaren funtzio zabala dela eta, mutazioek arestian aipaturiko fenotipo konplexu eta aldakorra eragingo dute.

DiagnosiaAldatu

Gaur egun, ezaugarri fenotipikoetan oinarritzen da, analisi genetikoa konplexua eta garestia baita. Soilik Marfan sindromedun gaixo batek ondorengoak izan nahi dituenean erabiliko da sekuentziazioa. Gero, lotura analisiaz baliatuz eta genearen inguruan dauden mikrosatelite polimorfikoak erabiliz alelo mutatua identifikatuko da umekian.

TratamenduaAldatu

Marfan sindromea sendaezina da, bere tratamendua gaixotasunaren ondorio klinikoen kontrol eta prebentzioan datza, batez ere aortaren haustura eta aneurismenean. Honen adibide garrantzitsuenak diuretikoak eta aortaren sustraiaren babesle profilaktikoak dira.

Marfan gaixoak historian zeharAldatu

Marfan gaixo ezagunak ere badaude, horien artean, Akenaton faraoia, Joey Ramone, Abraham Lincoln edo Osama bin Laden.

Kanpo estekakAldatu