Ireki menu nagusia

Macário Santiago Kastner (Londres, 1908ko urriaren 15a - Lisboa, 1992ko maiatzaren 12a) musikologo, pedagogo eta instrumentu-jotzailea izan zen.

Macário Santiago Kastner
Bizitza
Jaiotza Londres1908ko urriaren  15a
Herrialdea  Portugal
Heriotza Lisboa1992ko maiatzaren  12a (83 urte)
Hezkuntza
Hizkuntzak gaztelania
frantsesa
ingelesa
alemana
portugesa
Jarduerak
Jarduerak unibertsitateko irakaslea, musikaria eta musikologoa
Enplegatzailea(k) Q10274644 Itzuli
Jasotako sariak
Musika instrumentua Klabizenbaloa

Klabezin-ikasketak egin zituen Londresko Kontserbatorio Nazionalean, eta letra eta humanitateetan doktoregoa lortu zuen, Oxfordeko Unibertsitatean. Amsterdam eta Leipzigen jarraitu zuen ikasketak osatzen. 1930 aldera, Bartzelonan jarri zen bizitzen, eta han, Higini Anglés musikologo eta elizgizonaren ikasle izan zen. Eskola haiek eragin handia izan zuten Kastnerrengan, iberiar musikak ikastera jo baitzuen, eta 1936an Música hispánica liburua argitaratu zuen.

Espainiako Gerra Zibila piztu zenean, Portugala joan zen, berak bere aberritzat hartuko zuen herrira. Han, klabezin-jotzaile izan zen, eta baita tresna horren irakasle ere, Kontserbatorio Nazionalean. Ikerketa-lan handiak egin zituen hainbat herritako artxiboetan (Coimbra, Badajoz, Palentzia, Oporto...), eta ikerketa haien ondorioz, Espainia eta Portugalgo zenbait klabezinistaren bildumak aurkitu eta artxibatu ahal izan zituen, Antonio Soler, Víctor Seijas, eta XVII. mendeko beste zenbait egileren lan ezezagunak argitaratzeaz gainera.

Bestalde, Contribución al estudio de la música portuguesa y española (1951, Portugaldar eta espainiar musikaren azterketarako ekarpena) eta Metodología para el estudio musicológico (1957, Azterketa musikologikorako metodologia) liburuak argitaratu zituen, eta baita hainbat artikulu ere, XVII. mendeko Europako musika desberdinen arteko konparazioa eginez. 1945ean, Federico Mompou musikagile espainiarraren biografia argitaratu zuen.

ErreferentziakAldatu