Málaga Club de Fútbol

Málaga Club de Fútbol futbol talde andaluziarra da, 1904an Málaga hirian sortutakoa. Gaur egun bigarren mailan jokatzen du baina 27 denboraldi egin ditu lehen mailan.

Málaga Club de Fútbol

Ezizena(k)	Boquerones
Sorrera	1904 (119 urte) (C.A. Malagueño)
Futbol zelaia	La Rosaleda estadioa edukiera: 28.963 lagun inaugurazioa: 1941
Presidentea	Abdullah ben Nasser Al-Thani
Entrenatzailea	Pablo Guede
Liga	2. maila
2021-22	18.a
Webgunea	Webgune ofiziala
Etxekoa 　 Kanpokoa

Málaga F.C. taldea 1922an.

Valladoliden aurkako partida.

La Rosaleda estadioa.

Historia

Hasierako urteetan jarraipenik ez

Málagako lehenengo futbol taldea, Málaga Football Club, 1904ean jadanik sortua izan zen. 1909an izena aldatu zuen F.C. Maagueño bihurtuz, baina 1915an taldea bitan zatitu zen eta atera zirenek berriz ere Málaga F.C. izena hartu zuten. Bi taldeen artean lehia handia izan zen harik eta 1933an elkartu eta Club Deportivo Málaga eratu zuten arte. 1941ean inauguratu zuen gaur egungo La Rosaleda estadioa. 1948an Club Atlético Malagueño sortu zen Club Deportivoren filiala izateko. Urte horretan gainera lehen mailan debuta egin zuen Malagak.

70. hamarkada arrakastatsua

50. eta 60. hamarkadatan gora etabehera ibili ondoren, 1969-70 denboraldian Antonio Rodríguez López presidente aukeratua izan zen Jenő Kálmár entrenatzaile hungariarraren eskutik bost urte egin zituen jarraian lehen mailan, bi aldiz zazpigarren gelditu eta Zamora Sari bat ere jaso zuen. 1973an kopako final erdiak jokatu zituen baina Bilboko Athletic Klubak utzi zuen finaletik kanpo. 1975ean maila galdu zuen eta pare bat aldiz igo bazen ere gainbehera iritsi zitzaion taldeari.

Taldearen desagerpena

80. hamarkada maila apalean ibili ondoren 1990 urtean bigarren B mailaraino jeitsi zen. 1992an diru arazoak zirela eta Club Deportivo Málagak desagertu beharra izan zuen eta filiala bihurtu zen talde nagusi Málaga Club de Fútbol izen berriarekin. 1992-93 denboraldi hartan taldea hirugarren mailan ari zen jokatzen eta 1999 arte ez zuen lortu lehen mailara igotzerik. Indar handiarekin itzuli zen ordea, lehen urtean hamabigarren, bigarrenean zortzigarren eta 2002an UEFA Intertoto Kopa irabaztea lortu zuen. Hurrengo denboraldian UEFA Kopan hartu zuen parte eta final laurdenetaraino iritsi zen. Berriz ere krisi ekonomikoa pairatu zuen eta 2006an maila galdu ondoren bi denboraldi egin zituen Bigarren mailan.

Berpiztea

2008-09 denboraldian berriz lehen mailan aritu zen eta "errebelazio taldea" izan zen, 8. postua lortuz, baina ia bukaerararte UEFArako postuetan ibiliz. 2010ko ekainaren 11an Abdullah ben Nasser Al Thani jeke arabiarrak taldea erosi zuen eta nabarmen indartu ondoren talde konpetitiboa bihurtu da. Manuel Pellegrini du entrenatzaile eta Ruud van Nistelrooy aurrelari. Liga bikaina egin ondoren laugarren gelditu zen, bere historiako posturik onena, eta hurrengo denboraldiko UEFAko Txapeldunen Ligarako sailkatu zen.

2013-14 urtean ez zuen dizdira handirik izan eta 11. egin zuen. 2014-15 denboraldirako Javi Gracia entrenatzailea fitxatu zuen eta denboraldi ia osoa 7. postuan egin ondoren (Europarako sailkatzeko postua) azken partida kaskarren ondorioz 9. postuarekin konformatu behar izan zuen. 2015-16 denboraldian zehar apalago ibili den arren azkenean 8. postua eskuratu du. 2016-17an hiru entrenatzaile izan zituen eta amaieran maila bikaina erakutsi zuen arren azkenean 11. postuarekin konformatu behar izan zuen. 2017-18 okerrago hasi zen eta bost jardunaldi faltan matematikoki jeitsi zen. 20 puntu baino ez zituen lortu denboraldian.

Hurrengo denboraldietan gainbeheran jarraitu du eta 2021-22 denboraldian bigarren maila galtzear ere egon da.

Uniformea

Historikoa

Málaga FC 1904-1933

CD Malacitano 1933-1939

1942-2010

2010-2016

Azken urteak

2017-2019

2019-2020

2020-2021

2021-2022

2022-2023

Datuak

CD Málaga eta Málaga CF batera, 2022-23 barne:

• Denboraldiak 1. mailan: 37
• Denboraldiak 2. mailan: 39
• Denboraldiak 2. B mailan: 4
• Denboraldiak 3. mailan: 11
• Ligako posturik onena: 4.a Lehen mailan (2011-12)

Jokalariak

2014ko irailaren 4an

Zbk. Postua Jokalaria 1 ATE Carlos Kameni 2 ERD Nordin Amrabat (Galatasarayk utzia) 3 ATZ Weligton (kapitainordea) 4 ATZ Flávio Ferreira 5 ATZ Vitorino Antunes 6 ERD Ignacio Camacho 7 AUR Samu García 8 ERD Francisco Portillo 9 AUR Roque Santa Cruz 10 ERD Ricardo Horta 11 ERD Pablo Pérez 12 ERD Fernando Tissone 13 ATE Guillermo Ochoa 14 ERD Recio 15 ATZ Marcos Angeleri

Zbk. Postua Jokalaria 16 AUR Ezequiel Rescaldani 17 ERD Duda (kapitaina) 18 ATZ Roberto Rosales 19 ATZ Arthur Boka 20 ATZ José Manuel Casado 21 ATZ Sergio Sánchez 22 ERD Luis Alberto (Liverpoolek utzia) 23 ATZ Miguel Torres 26 AUR Juanmi 27 ATE Agustín Cousillas 28 AUR Juanpi 29 AUR Samu Castillejo 30 ERD Sergi Darder 31 ATZ Iván Rodríguez — ATZ Roberto Chen

Utziak

Zbk. Postua Jokalaria — ERD Bobley Anderson (Alcorcónen)

Irabazitako txapelketak

Espainiako txapelketak: 5

• Espainiako futbol ligako lehen maila: 0
• Espainiako futbol ligako bigarren maila: 4

1951-52, 1966-67, 1987-88 eta 1998-99

• Federazioaren Kopa: 1

1946-47

Europako txapelketak: 1

• UEFA Intertoto Kopa: 1

2002

Lagunartekoak: 1

• Ramón de Carranza Trofeoa

2016

Azken urteetako ibilbidea

Urtea	Espainiako Liga	Errege Kopa	Europa
1999-2000	12.a	1/16
2000-01	8.a	1/32
2001-02	10.a	1/16	1.a (Intertoto)
2002-03	13.a	1/16	1/4 (Europa League)
2003-04	10.a	1/8
2004-05	10.a	1/16
2005-06	20.a (jeitsi)	1/32
2006-07	15.a (2. mailan)	1/8
2007-08	2.a (2. mailan)	1/16
2008-09	8.a	1/16
2009-10	17.a	1/8
2010-11	11.a	1/8
2011-12	4.a	1/8
2012-13	6.a	1/4	1/4 (Txapeldunen Liga)
2013-14	11.a	1/16
2014-15	9.a	1/4
2015-16	8.a	1/16
2016-17	11.a	1/16
2017-18	20.a	1/16
2018-19	3.a (2. maila)	2. itzulia
2019-20	14.a (2. maila)	1. itzulia
2020-21	12.a (2. maila)	1/16
2021-22	18.a (2. maila)	2. itzulia
2021-22	(2. maila)	2. itzulia

Kanpo estekak

• (Gaztelaniaz) Malagaren webgune ofiziala

• Datuak: Q8857
• Multimedia: Málaga CF