Louis Mardochée Lévy
Louis Mardochée Lévy Baionan sortu zen 1884ko abuztuaren 8an[1] eta 1915eko urtarrilaren 15ean fusilatu zuten Maizyn (Aisne departamentua, Frantzia). David Lévy eta Bertha Vaez Olivera Baionako Saint Esprit auzoko auzoko judu familia ezagunen semea zen.
| Louis Mardochée Lévy | |
|---|---|
| Bizitza | |
| Jaiotza | Baiona, 1884ko abuztuaren 8a |
| Herrialdea |  Lapurdi, Euskal Herria |
| Heriotza | Maizy, 1915eko urtarrilaren 15a (30 urte) |
| Heriotza modua | heriotza zigorra: bala zauria |
| Hezkuntza | |
| Hizkuntzak | frantsesa |
| Jarduerak | |
| Jarduerak | ile-apaintzailea |
| Zerbitzu militarra | |
| Adar militarra | Frantziako Lurreko Armadaren 49. infanteria-erregimentua |
| Parte hartutako gatazkak | Lehen Mundu Gerra |
Lehen mundu gerra edo gerla handia hasi aitzin Baionako Sain Esprit auzoko Sainte Catherine kaleko 10.eko gurasoen ile-apaindegian[2] lan egiten zuen, harik eta beste hainbat gazte bezala gerra horretan parte hartzera behartu eta 49. infanteria-erregimentuan 1553 errekluta zenbakiarekin enrolatu zen arte[3].
1914ko abenduaren 28ko gauean bere postua utzi zuen, eta desertore izateaz akusatua preso hartu eta 1915eko urtarrilaren 14ean gerra kontseilu batetik pasarazi zuten. Biharamunean fusilatu zuten.
1932ean bere aitak, David Lévy, prozedura juridiko bat abiarazi zuen bere semeak gerran sartu aurretik arazo mentalak zituela argudiatuta. Prozeduran, jatorri judua zuten David Levy aitaren eta Louis Mardochée[4] semearen izenak aldatuta ageri dira Albert eta Edmond izen berriengatik hurrenez hurren[5].
Bere izen abizen berdinak zeramaten bi emakume ere hil egin zituzten urte batzuk beranduago bigarren mundu gerran, kasu honetan Auschwitzeko kontzentrazio esparruan: Léa Lévy (1943an) eta Juliette Lévy (1944ean), Joseph Lévy eta Anita Vaez Oliveraren alabak zirenak[6]. Juliette Moize Gerard Vaez Oliveraren alarguna zen, Auschwitzeko kontzentrazio esparruan eraila bera ere.
Bera ez ez izan lehen mundu gerran armada uzteaz akusatuta fusilatutako euskaldun bakarra, Izpurako (Baxe Nafarroa) Pierre Etxeberri hilabete batzuk lehenago 1914ko urriaren fusilatu baitzuten ere[7].
Erreferentziak aldatu
- ↑ Bere jaiotza ziurtagiria: http://earchives.le64.fr/img-viewer/FRAD064003_IR0002/BAYONNE/5MI102-31/viewer.html?ns=FRAD064006_5MI102_31_0120.jpg
- ↑ Sainte Catherine 10, egun: https://3.bp.blogspot.com/-kw58qyLN3ps/VHHJCrgUfmI/AAAAAAAAM0E/HW3kQ2S_oUg/s1600/DSC_0074.JPG
- ↑ http://www.memoiredeshommes.sga.defense.gouv.fr/fr/ark:/40699/m005450e4837293f/5450e6b8c93f8
- ↑ "Bazen Susa hirian Mardokeo (Mardochée euskaraz) izeneko judu bat, Jair-en semea, eta Ximeiren biloba, Benjaminen leinuko Kixen ondokoa": http://amarauna.org/biblia/?p=Est%2B2
- ↑ https://www.retours-vers-les-basses-pyrenees.fr/2014/11/le-coiffeur-du-10-rue-ste.html
- ↑ https://www.retours-vers-les-basses-pyrenees.fr/2014/01/mamadou-bajuliette-levy-veuve-vaez.html
- ↑ http://www.memoiredeshommes.sga.defense.gouv.fr/fr/arkotheque/client/mdh/fusilles_premiere_guerre/detail_fiche.php?ref=2524101&debut=0
Kanpo estekak aldatu
- http://www.memoiredeshommes.sga.defense.gouv.fr/fr/arkotheque/client/mdh/fusilles_premiere_guerre/detail_fiche.php?ref=2524356&debut=0
- https://www.retours-vers-les-basses-pyrenees.fr/2014/11/le-coiffeur-du-10-rue-ste.html
- http://les-blessures-de-l-ame.over-blog.com/article-rencontre-a-pau-autour-des-fusilles-pour-l-exemple-73330005.html
Datuak: Q58093771
