Lev Jaxin

Lev Ivanovitx Jaxin (errusieraz: Лев Ива́нович Я́шин; Mosku, 1929ko urriaren 22a - ibidem, 1990eko martxoaren 20a), “Armiarma Beltza” edo “Pantera Beltza” ezizenez, sobietar futbol atezaina izan zen, batzuentzat Eduard Streltsov futbolariarekin batera Errusiako garai guztietako futbolaririk onena izan omen zen. Halaber, askok jotzen dute futbolaren historiako atezainik onentzat.

Lev Jaxin
(1966) Irudi gehiago
Bizitza
Jaiotza	Mosku, 1929ko urriaren 21a
Herrialdea	Sobietar Errepublika Sozialisten Batasuna
Talde etnikoa	errusiarra
Lehen hizkuntza	errusiera
Heriotza	Mosku, 1990eko martxoaren 20a (60 urte)
Hobiratze lekua	Vagankovo Cemetery (en)
Heriotza modua	berezko heriotza: urdaileko minbizia
Hezkuntza
Heziketa	Russian State University of Physical Education, Sport, Youth and Tourism (en)
Hizkuntzak	errusiera
Jarduerak
Jarduerak	futbolaria eta izotz-hockeyko jokalaria
Parte-hartzailea 1970eko Munduko Futbol Txapelketa 1966ko Munduko Futbol Txapelketa 1962ko Munduko Futbol Txapelketa 1958ko Munduko Futbol Txapelketa 1956ko Udako Olinpiar Jokoak UEFA Euro 1960 UEFA Euro 1964
Posizio edo espezialitatea	futbol atezaina
Pisua	82 kilogramo
Altuera	189 zentimetro
Jasotako sariak	ikusi Leninen Ordena  (1960, 1990) Lan Sozialistaren Heroia  (1990) Master of Sport of the USSR, International Class Lanaren Bandera Gorriaren Ordena  (1957, 1971) Medal "For Valiant Labour in the Great Patriotic War 1941–1945"  (1945) Urrezko Baloia Medal "Veteran of the Armed Forces of the USSR" Ballon d'Or 1963 SESBeko Kirolaren Maisu ohorrezko  (1957) Medal "For Impeccable Service", 3rd class Medal "For Impeccable Service", 2nd class
Sinesmenak eta ideologia
Alderdi politikoa	Sobietar Batasuneko Alderdi Komunista

Jaxinek denen errespetua irabazi zuen, atezainaren rola irauli baitzuen, defentsa osora hedatu zuen-eta bere autoritatea. Denbora guztian aginduak ematen aritzen zen, eta gai zen area txikitik irteteko aurkarien baloiak harrapatu behar bazituen, hori guztia garai batean non atezainak atean egoten ziren 90 minutu itxaroten noiz sartu jokoan. 1958ko Munduko Kopan haren jarduerak eragin sakona izan zuen audientzia globalean, txapelketa hura telebistan eman baitzen lehen aldiz nazioartean. Goitik behera beltzez janzten zen (zehatzago esanda, urdin ilunez), eta horregatik deitzen zioten “Armiarma beltza”.

1958tik 1970era bitartean, Jaxin agertu zen lau Munduko kopatan, eta 2002an FIFAk aukeratu zuen Munduko Koparen Historiako Ametsezko Talderako. 1994an FIFAk hautatu zuen Munduko Kopetako Inoizko Talde Onenean, eta 1998an aukeratu zuten XX. mendearen Munduko Talderako. FIFAren arabera, Jaxinek gelditu zituen 150 penalti inguru futbol profesionalean —beste edozein atezainek baino gehiago. Halaber, amaitu zituen 270 partida golik hartu gabe. 1963an Lev Jaxinek Urrezko Baloia jaso zuen, atezain bakarra sari hori jasotzen. IFFHSek izendatu zuen XX. mendeko atezainik onena.

Bizitza

Gaztetan, izotz hockeyan ala futbolean aritzeko zalantzak izan bazituen ere, azkenean, 1951n, futbolari ekitea aukeratu zuen, eta Armada Gorriaren futbol taldean sartu zen, Moskuko Dynamon. Bertan 1972 arte jokatu zuen atezain gisa. Sobietar Batasuneko selekzioarekin 1956ko Olinpiar Jokoetan urrezko domina irabazi zuen, eta 1960an selekzio nazionalen Europako Kopako txapeldun izan zen. Horiez gainera, 1958, 1962 eta 1966ko mundu txapelketetan finalak jokatzera iritsi zen, eta hiruretan atezainik onenaren titulua eskuratu zuen. 1954 eta 1970. urteen bitartean, munduko futbolaririk hoberentzat hartu zuten bere espezialitatean, eta Leninen Ordena izeneko saria eman zioten bere sorterrian 1960. urtean. Bizitzako azken urteetan, gaixotasun larri baten ondorioz hanka galdu eta hil zen arte, Sobiet Goreneko diputatu gonbidatua izan zen. Armiarma beltza deitzen ohi zioten bere janzkeragatik.

Taldeak

Taldea	Herrialdea	Urtea
FC Dinamo Mosku	SESBeko futbol selekzio nazionala	1949−1971

Kanpo estekak

• Datuak: Q167828
• Multimedia: Lev Yashin / Q167828