Lehen Italo-Etiopiar Gerra (italieraz: guerra di Abissinia edo campagna d'Africa orientale) Italiak eta Etiopiak (Errusia eta Frantziaren laguntzarekin) 1895etik 1896ra borrokatu zuten. Wuchaleko Itunak eragin zuen, izan ere, italiarren arabera, Itunak herrialdea italiar protektoratu bihurtu zuen. Gerran zehar, etiopiarrak, zenbakiz eta suzko arma modernoekin ongi armatuak, nagusi ziren. Etiopiarrek Errusia eta Frantziaren laguntza jaso zuten: boluntarioak, aholkulari militarrak, armadaren entrenamendua eta armen salmenta. Italia, aldiz, nazio gaztea eta gehienbat pobrea zen, eta arma zaharkituez hornitua zegoen.[3]
Eskala handiko gerra, 1895ean lehertu zen: Eritrea Italiarreko tropa kolonialek hasiera batean arrakasta izan zuten, baina, Etiopiako tropek, italiar posizioak kontraeraso eta Mekeleko italiar gotorlekua setiatu eta errenditu zuten. Italiako porrota Adwako guduaren ondorioz gertatu zen, non Etiopiako armadak kolpe erabakigarria eman zien kopuruan oso gaindituak zeuden italiarrei eta eritrear askariei. Eritrear batzuk, etiopiarrek traidoretzat hartuak, harrapatu eta mutilatu zituzten. Addis Abebako Itunak gerra amaitu zuen. Mendebaldeko metropolien gaineko lehen garaipen afrikarra izan ez zen arren, gerra hau panafrikanismoaren ikur nagusi bihurtu zen, eta, gerrari esker, Etiopiak bere burujabetza ziurtatu zuen 1936ra arte.[4]
Erreferentziak
aldatu
Kanpo estekak
aldatu
Datuak: Q989115
Multimedia: First Italo-Ethiopian War / Q989115
