Konpainia-animalia

Konpainia-animalia edo maskota-animaliak etxebizitzetan jolasgarri edukitzen diren animaliak dira. Beste animalien aldean bereizteko, konpainia-animaliak, pertsonekin batera, etxe berean bizi ohi dira (abereak, ordea, ikuilu edo landetan bizi dira), izenak jaso ohi dituzte eta ez dira janaritarako akabatzen. Lanerako edo kiroletarako animaliak edo laborategiko animaliak ere ez dira konpainia-anaimaliatzat jotzen. Edozein espezie (baita basa animaliak ere) konpainia-animalia izan daiteke, baina arruntenak txakurrak, katuak eta txoriak dira. Aldi berean, espezie bereko bi animalia helburu ezberdinekin erabil daitezke. Adibidez, Txinan txakurrak jatea ohikoa da, lanerako ere erabil daitezke (artzain txakurrak, lera txakurrak), laborategietan esperimentuak egiteko eta konpainia animalia gisa ere bai.

Txakurrak eta katuak konpainia-animalia izaten dira hirietan.

Etxeko animaliak

Espezie horiek etxean bizitzen ohitu diren animaliak dira. Gehienak ezin dira berriro naturan bizitzera itzuli, gizakiekiko menpekotasuna sortu zaielako. Kulturaz kultura, zerrenda aldakorra da. Hona hemen Euskal Herriko ohikoenak:

Ugaztunak

• Zaldia
• Astoa
• Txakurra
• Katua
• Zerria
• Ardia
• Untxia
• Hudoa
• Hamsterra
• Txintxilla
• Ahuntza

Hegaztiak

• Kanarioa
• Usoa
• Indioilar arrunta
• Oiloa
• Ahatea
• Perikitoa

Basabereak

Azken urteetan, moda dela-eta, basa animalia exotikoak etxean izatea arrunta da. Horrek arazo handiak sortu ditu, bai jatorrizko herrialdeetan —animalia horiek sarritan galtzeko zorian baitaude— baita herrialde berrietan han ihes egiten dutenean edo jabeak aspertuta libre uzten dituztenean. Modu horretan espezie inbaditzaile franko zabaldu dira mundu osoan. Gurean oso ezaguna da, esaterako, Floridako apoarmatua (Trachemys scripta elegans). Zerrenda bukaezina denez, horregatik hemen ezagunenak jaso ditugu.

Ugaztunak

• Katajineta (Genetta genetta)
• Lemurrak edo Lemuridae
• Larre txakurra
• Marmotak
• Koreako kattagorria (Tamias sibiricus)

Narraztiak

• Krokodiloak Crocodylidae familiako espezieak
• Floridako apoarmatua (Trachemys scripta elegans)
• Iguanak
• Kameleoiak
• Sugeak
• Dortoka espezie asko (Testudines)

Kanpo estekak

• (Ingelesez)Pet Choice Portal web en inglés (petchoice.org). Maskota egokia nola aukeratu.
• (Ingelesez)Exotic Pets A to Z DMV Lianne McLeod, About.com weborrian etxean maskota moduan bizi daitezkeen basa-animalien zerrenda.

• Datuak: Q39201
• Multimedia: Pets / Q39201