Kabiar

Kabiarra (persieraz: خاویار‎, khāviār) gaizkataren arraba gazituekin egindako kontserba da. Hoberenak Itsaso Beltzekoak eta Kaspiarrekoak dira (Beluga, Ossetra eta Sevruga). Mota horiek, kalitatearen arabera (dasta, neurria, trinkotasuna eta kolorea), kilogramoko 7.000 € eta 12.000 € arteko prezio izatera irits daitezke (2011n) eta gourmet eta goi sukaldaritzari lotutako kutixiak dira.

Kabiar
arrain plater eta arraba
Materialak	arraba sodio kloruroa
Historia
Honen produktua	Gaizkata

Kabiar motak

• Beluga kabiarra: Kaspiar itsasoan bizi den Huso huso espeziearena da. Urriena eta ospetsuena da. Arraba grisak eta handiak dira, ilarraren neurrikoak.
• Ossetra kabiarra: Acipenser gueldenstaedtii eta Acipenser persicus espeziena. Arrabak belugarenak baino txikiagoak eta argiagoak dira.
• Sevruga kabiarra: Acipenser stellatusen arrabak.
• Almas kabiarra (errusieraz, алмаз izenak «diamantea» esan nahi du): argia da, Huso huso albinoen arrabekin egindakoa. Munduko garestiena da: 18.000- 29.000 €/kg (2009an).
• Haztegietako kabiarra: Acipenser baerii (Ossetraren antzeko zaporea), Acipenser transmontanus (Sevrugaren antzeko zaporea), Acipenser gueldenstaedtii (Bulgaria, Txina eta Israelen hazten da) eta Acipenser nacarii (Granadan hazten da) espezieak erabiltzen dira.

Beste arrain batzuen arrabak, izokin, zikloptero edo korrokoienak esate baterako, kabiarraren ordezkoak egiteko erabiltzen dira.

Ikus, gainera

• Kalixeko kabiarra

Kanpo estekak

• Joana MENDIBURU: «Hurbileko kabiarra, ezezaguna eta urria», 7K, 2002-12-01.

• Datuak: Q186385
• Multimedia: Caviar / Q186385

Artikulu hau gastronomiari buruzko zirriborroa da. Wikipedia lagun dezakezu edukia osatuz.