Josune Zabala

hizkuntzalari espainiarra

Josune Zabala Alberdi (Donostia, 1978ko abuztuaren 28a) euskal hizkuntzalaria eta ikertzailea da.

Josune Zabala
Josune Zabala.jpg
Bizitza
Jaiotza Donostia1978ko abuztuaren 28a (42 urte)
Herrialdea  Gipuzkoa, Euskal Herria
Hezkuntza
Heziketa Euskal Herriko Unibertsitatea
Mondragon Unibertsitatea
Hizkuntzak euskara
gaztelania
ingelesa
Jarduerak
Jarduerak hizkuntzalaria
Enplegatzailea(k) Euskal Herriko Unibertsitatea
Humanitate eta Hezkuntza Zientzien Fakultatea
Alfabetatze Euskalduntze Koordinakundea
Mondragon Unibertsitatea
Mintzola Fundazioa  (2009 -  2012)
Kidetza Eusko Ikaskuntza
Soziolinguistika klusterra
Udako Euskal Unibertsitatea
Mintzola Fundazioa

Inguma: josune-zabala-alberdi

Hizkuntza Ikerketa eta Koordinaziorako zuzendaria da Hizkuntza Politikarako Sailburuordetzan (Eusko Jaurlaritza, 2017).[1][2]

BiografiaAldatu

FormakuntzaAldatu

Euskal Herriko Unibertsitatean Euskal Filologian lizentziatua (2002), Hizkuntzen aditu titulua eskuratua (Mondragon Unibertsitatea, 2005) eta Euskal ikasketetan doktorego programa eta ikerketa gaitasuna burutua (EHU, 2008). Ikerketa proiektuak: a) Kortesia estrategia pragmatikoak. Teoriaren garapena; b) Kortesiaren azterketa euskarazko bi debateetan. Dimentsio enuntziatibora jauzia.

Lan ibilbideaAldatu

Euskara eta bere irakaskuntza-ikerkuntzaren (H1/H2) alorra landu du: helduen euskalduntzean euskara irakasle eta trebatzaile (AEK eta Udal euskaltegiak, 1999-2004); Euskara Biziberritzeko Planetan aholkulari (Azpeitiko euskara patronatua, 2004-2005), Mondragon Unibertsitatean irakasle (HUHEZI fakultatea, 2004-2008 eta 2012-2016) eta Mintzola Fundazioan zuzendari (2009-2012).[3]

Ikerketari dagokionez, HIJE taldeko (Hizkuntzaren jabekuntza eta erabilera, EHU) eta Eusko Ikaskuntzako Hezkuntza saileko partaide, eta Soziolinguistika Klusterrean ahozkotasunari buruzko ikerketa eta formazio ezberdinetan jardun du.

« Aste osoan zehar ikasleak egiten ari diren artelana gauzatu bitartean “egin euskaraz” esaten diezu? ala egoera horietan euskaraz egiteko behar dituzten tresnak ematen dizkiezu eta komunikazio erronkak proposatu nahiz ebaluatu? Euren gustuko ipuina kontatzen dute astean behin ala ipuina kontatzen irakasten diezu ereduak ikusi eta aztertuz, ariketa ezberdinak eginez, praktika saio ezberdinak eginez eta ebaluatuz…? Zure ikasgaian ahozko azalpenak eginarazi eta ebaluatzen dituzu ala ahozko azalpenak nola ematen diren irakasteko denbora hartzen duzu, ikasleen gaitasunen arabera azalpenak emateko aukera ezberdinak eman eta ebaluatzen duzu? Zure ikasle guzti-guztiek egin behar dute “zerbait ahoz jendaurrean” ala zure ikasleen gaitasun eta jendaurrerako emozioen kudeaketa kontuan hartzen dituzu proposamenak egiteko garaian? »

Josune Zabala[4]


ErreferentziakAldatu

  1. «Irekia Eusko Jaurlaritza - Gobierno Vasco :: Josune Zabala Alberdi - Berriak» www.irekia.euskadi.eus Noiz kontsultatua: 2020-08-30.
  2. (Gaztelaniaz) «Josune Zabala, Hizkuntza Ikerketa eta Koordinaziorako zuzendari berria» El Diario Vasco 2017-01-24 Noiz kontsultatua: 2020-08-30.
  3. «Hik Hasi» www.hikhasi.eus Noiz kontsultatua: 2020-08-30.
  4. Zabala Alberdi, Josune. (2017-06-21). «ZER EGIN DEZAKEGU AHOZKO KOMUNIKAZIOA ESKOLAN LANTZEKO?» www.hikhasi.eus (Hik hasi) Noiz kontsultatua: 2020-12-29.

Kanpo estekakAldatu