Jo Swinson

Jo Swinson
	; Irudi gehiago
Liberal Demokraten buruzagia
Liberal Demokraten buruzagi ordea
; Erresuma Batuko 57. Legebiltzarreko kidea
Erresuma Batuko 55. Legebiltzarreko kidea
Erresuma Batuko 54. Legebiltzarreko kidea
Bizitza
Jaiotzako izen-deiturak	Joanne Kate Swinson
Jaiotza	Glasgow, 1980ko otsailaren 5a (44 urte)
Herrialdea	Erresuma Batua
Familia
Ezkontidea(k)	Duncan Hames
Hezkuntza
Heziketa	London School of Economics ; Douglas Academy
Hizkuntzak	ingelesa
Jarduerak
Jarduerak	politikaria
Altuera	168,75 zentimetro
Lantokia(k)	Londres
Jasotako sariak	ikusi Britainiar Inperioko Ordenaren komendadorea ;
Sinesmenak eta ideologia
Erlijioa	ateismoa
Alderdi politikoa	Erresuma Batuko Liberal Demokratak
	joswinson.org.uk

Joanne Kate Swinson (Glasgow, Eskozia, 1980ko otsailaren 5a) britainiar politikari liberal demokrata ohia da, eta liberal demokraten buruzagia izan zen 2019ko uztailaren 22tik abenduaren 13ra. Kargua bete zuen lehen emakumea eta pertsona gazteena izan zen, baita karguan epe laburrenez iraun zuena. Swinson Komunen Ganberako kidea (MP) izan zen 2005etik 2015era eta 2017tik 2019ra . 2020ko irailean Swinson Partners for a New Economy (P4NE) taldearen zuzendari bihurtu zen. ^[1]

Swinsonek London School of Economics unibertsitatean ikasi zuen, eta epe laburrez harreman publikoetan egin zuen lan, Komunen Ganberako hautetsia izan aurretik. Parlamentuan sartu zenean orduko legebiltzarkiderik gazteena bilakatu zen. ^[2] Liberal Demokraten bozeramailea izan zen hainbat sailetan, besteak beste, Eskozia, Emakumea eta Berdintasunak, Komunitateak eta Tokiko Gobernuak eta Atzerriko eta Mankomunitateko Saila.

2010ean, Liberal Demokratak Alderdi Kontserbadorearekin koalizio gobernuan sartu ondoren, Swinson Nick Clegg lehen ministroordearen parlamentuko idazkari pribatu gisa aritu zen, eta gero Parlamentuko Lan Harremanetarako eta Posta Gaietarako Estatu Idazkariorde izendatu zuten. ^[3] 2015eko hauteskundeetan bere eserlekua galdu zuen, baina bi urte geroago egindako hauteskunde aurreratuetan berreskuratu zuen. Legebiltzarrera itzuli ondoren, Liberal Demokraten lehendakariorde bihurtu zen, bozketan aurkaririk gabe. 2019ko uztailean, Vince Cable erretiratu ondoren, Swinsonek Ed Davey garaitu zuen Liberal Demokraten buruzagi izateko hauteskundeetan.

Handik gutxira Swinsonek bere alderdia 2019ko hauteskunde orokorretan zuzendu zuen, gobernua osatzeko ordezkaritza nahikoa eskuratzekotan Brexita bertan behera utziko zuela zin eginez. Horren ordez, Swinsonek eserlekua galdu zuen Eskoziako Alderdi Nazionalaren mesedetan, eta alderdiko buru gisa jarraitzeko inhabilitatua izan zen. Horrela, eserlekua galdu zuen buruzagi liberal demokrata nagusi bakarra bihurtu zen.

Erreferentziak aldatu

↑ (Ingelesez) P4NE. .
↑ (Ingelesez) Shackle, Samira. (). «20 under 40: Jo Swinson» New Statesman jatorrizkotik artxibatua (artxibatze data: 2011/12/31).
↑ (Ingelesez) «Jo Swinson MP, East Dunbartonshire» TheyWorkForYou.

Kanpoko estekak aldatu

Webgune ofiziala
Jo Swinson erabiltzailearen profila, Twitter zerbitzuan

Datuak: Q327790
Multimedia: Jo Swinson / Q327790

[1] (Ingelesez) P4NE. .

[shackle1-2] (Ingelesez) Shackle, Samira. (). «20 under 40: Jo Swinson» New Statesman jatorrizkotik artxibatua (artxibatze data: 2011/12/31).

[3] (Ingelesez) «Jo Swinson MP, East Dunbartonshire» TheyWorkForYou.

[1]

[2]

[3]