Ireki menu nagusia

BizitzaAldatu

1916-1923 urteetan Alemaniako Banku Nazionaleko zuzendaria izan zen, eta 1923an Reichsbank-eko lehendakari izendatu zuten. Hitlerri laguntza eskaini zion, eta finantzari eta industrialari nagusiek haren alde jokatzea lortu zuen. Hitler aginpidera heldu zenean, Reichsbankeko lehendakari hautatu zuten berriz, eta 1934an Ekonomiako ministro egin zuten. Trust edo enpresa-multzo handiak bultzatu zituen, eta Alemania armez hornitzeko ekonomia-oinarriak ezarri zituen. Kimika-industriarekin izan zituen arazoak zirela medio, kargua utzi behar izan zuen, eta 1944an Hitlerren aurkako konspirazioan parte hartzea leporatu zioten. Kontzentrazio-esparrura behartu zuten, baina Nurenbergeko epaitegiak aske utzi zuen (1946).

ErreferentziakAldatu

Wikimedia Commonsen badira fitxategi gehiago, gai hau dutenak: Hjalmar Schacht