Hirugihar

txerriaren larruaren azpian dagoen txerrikia, bereziki gizen edo gantz-zerrendek osatzen dutena
Hirugiharra» orritik birbideratua)

Hirugiharra[1] Hegoaldean, eta xingarra Iparraldean, txerriaren larruaren azpian dagoen txerrikia da, bereziki gizen edo gantz-zerrendek osatzen dutena. Haragi-geruzekin batera ebakitzen denean deitzen zaio hirugihar; bestela, urdai. Oso elikagai energetikoa da, gramoko ia 9 kaloria dituena[2].

Hirugihar
raw whole-muscle cut (en) Itzuli
Osagaiaktxerrikia eta txerri-koipea

Zenbait herrialdetan, Erresuma Batuan kasu, ketuta prestatzen da (horrela prestaturik, bacon deitzen zaio ingelesez eta maileguz horrela izendatzen da hainbat hizkuntzatan), frijituta gosarian hartzeko; era horretan pizza, espageti, ogitarteko edo arroz-errezetetan ere osagai arrunta da.

Beste animalia batzuen haragia, behiarena, arkumearena, oilaskoarena, ahuntzarena edo indioilarrarena kasu, beste era batera moztu, ondu edo presta daiteke urdaiaren antza izan dezan. Horrelako kasuetan, "indioilar-urdaia" ere dei daiteke, adibidez[3]. Erabilera hori ohikoa da judu eta musulman asko bizi diren lekuetan, bi erlijioek txerri-haragia kontsumitzea debekatzen baitute[4]. Hirugihar begetarianoak ere badaude, hala nola "soja-hirugiharra"[5].

Erreferentziak aldatu

  1. Fundazioa, Elhuyar. «panceta» Elhuyar Hiztegia (Noiz kontsultatua: 2023-03-27).
  2. nutritiondata.com. Nutritional Summary for Animal fat, bacon grease. .
  3. (Ingelesez) «Eat cheap but well! Make a tasty beef in beer» TODAY.com (Noiz kontsultatua: 2022-05-02).
  4. «The New Straits Times Online: HEALTH AND YOU» web.archive.org 2009-06-27 (Noiz kontsultatua: 2022-05-02).
  5. (Ingelesez) «What is Vegetarian Bacon? (with pictures)» Delighted Cooking (Noiz kontsultatua: 2022-05-02).

Ikus, gainera aldatu

Kanpo estekak aldatu