Hego Konoa

Hego Konoa (gaztelaniaz: Cono Sur) Hego Amerikako hegoaldean dagoen kono itxurako lur-eremu handia da, penintsula itxurakoa, historia, kultura eta egitura ekonomiko eta soziala homogeneoa duena. Bere baitan hartzen dituen herrialdeak eta eskualdeen zerrenda eztabaidatua da; gutxienez, Argentina, Txile eta Uruguai hartzen ditu. Beste batzuen iritziz, Paraguai eta Brasilgo eskualde batzuk ere sartzen dira. Ekonomia arloan, Mercosur izeneko elkartea osatzen dute eskualde horiek.

Hego Konoa: zentzu hertsian, berde iluneko lurraldeak (Argentian eta Txile) hartzen ditu; zabalean, Paraguai eta Brasilgo eskualde zenbait (berde argiagoz) hartzen ditu. Brasil berde argiz agertzen da.

Geografia

Eskualdean dauden area nagusiak honako hauek dira:

• Andeetako mendilerroa.
• Pampa eta Gran Chaco ordokiak.
• Patagoniako goi-ordokia, Suaren Lurraldea tartean.
• Brasiliako mendigunearen hegoaldea.
• Ibai eta bokale handiak: Rio de la Platako bokalea eta Parana, Paraguai, Uruguai, Iguazú, Pilcomayo, Bermejo eta Iparraldeko Salado ibaiak.
• Argentinako itsasoa.
• Patagoniako glaziarrak.

Kanpo estekak

• Datuak: Q236118
• Multimedia: Southern Cone / Q236118