Hans Modrow

Hans Modrow (Jasenitz, 1928ko urtarrilaren 27a - Berlin, 2023ko otsailaren 10a) alemaniar politikari komunista izan zen. Ekialdeko Alemaniako lehen ministroa izan zen 1989tik 1990era.

Hans Modrow
(2014) Irudi gehiago
Europarlamentaria 1999ko uztailaren 20a - 2004ko uztailaren 19a Barrutia: Germany (en) Hautetsia: 1999 European Parliament election (en) Bundestageko kidea 1990eko abenduaren 20a - 1994ko azaroaren 10a Hautetsia: 1990 German federal election (en) Bundestageko kidea 1990eko urriaren 3a - 1990eko abenduaren 20a Hautetsia: 1987 West German federal election (en) Alemaniako Errepublika Demokratikoko Lehen Ministroa 1989ko azaroaren 18a - 1990eko apirilaren 12a ← Willi Stoph - Lothar de Maizière → Volkskammerreko kidea
Bizitza
Jaiotza	Jasienica (en) , 1928ko urtarrilaren 27a
Herrialdea	Alemaniako Errepublika Demokratikoa  (1949 -  1990) Alemania  (1990 -  2023)
Lehen hizkuntza	alemana
Heriotza	Berlin, 2023ko otsailaren 10a (95 urte)
Hobiratze lekua	Dorotheenstadt cemetery (en)
Heriotza modua	berezko heriotza: istripu zerebrobaskularra
Hezkuntza
Heziketa	Berlingo Humboldt Unibertsitatea
Hezkuntza-maila	doktoretza
Hizkuntzak	alemana
Jarduerak
Jarduerak	politikaria eta ekonomialaria
Lantokia(k)	Bonn Estrasburgo Brusela eta Dresden
Jasotako sariak	ikusi Karl Marxen Ordena Patriotic Order of Merit in gold Banner of Labor Fritz Heckert Medal Order of Friendship
Kidetza	Alemaniako Alderdi Sozialista Batuaren Batzorde Zentrala
Zerbitzu militarra
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Alemaniako Alderdi Sozialista Batua Die Linke Sozialismo Demokratikoaren Alderdia

Haurtzaroan Hitleriar Gaztedietako kide izan zen eta Bigarren Mundu Gerran suhiltzaile boluntarioa izan zen, baita Volkssturmeko kidea ere. Armada Gorriak preso hartu zuen 1945eko maiatzean, eta Moskura bidali zuen alemaniar askeen eskola antifaxista batera, marxismo-leninismo ikastera. 1949an askatu zuten eta Alemaniako Alderdi Sozialista Batuarekin bat egin zuen.

Alemaniara itzulita, Alemaniako Gazteria Libreko kide izan zen eta Moskuko Komsomolen ikasi zuen. Ekialdeko Alemaniako Parlamentuko diputatua izan zen 1957tik 1990era, eta alderdiaren Batzorde Zentraleko kide izan zen 1967tik 1989ra.

1973an alderdiko lehen idazkari izendatu zuten Dresdenen. Erich Honeckerren kritikari gutxietako bat izan zen eta Mikhail Gorbatxoven politikak babestu zituen.

1989ko azaroko iraultza baketsuaren ondoren, Egon Krenz buruzagi berriak lehen ministro izendatu zuen, Gorbatxovek eskatuta. Herrialdea gobernatu zuen 1989-90eko neguan, 1990eko martxoko hauteskunde libreetara arteko trantsizio batean.

Alemania batu ondoren, Bundestageko (1990-1994) eta Europako Parlamentuko (1999-2004)) kide izan zen, Die Linke alderdia ordezkatuz.

Kanpo estekak

• Datuak: Q57241
• Multimedia: Hans Modrow / Q57241