Georges Devereux
Georges Devereux (Transilvania, Hungaria —egungo Errumania—, 1908ko irailaren 13a - Paris, Frantzia, 1985eko maiatzaren 28a) estatubatuar psikoanalista eta etnologoa izan zen.
| Georges Devereux | |
|---|---|
 | |
| Bizitza | |
| Jaiotzako izen-deiturak | Dobó Gyõrgy |
| Jaiotza | Lugoj (en)  , 1908ko irailaren 13a |
| Herrialdea |  Ameriketako Estatu Batuak  Frantzia |
| Heriotza | Parisko 7. barrutia eta Paris, 1985eko maiatzaren 29a (76 urte) |
| Hezkuntza | |
| Heziketa | Pariseko Letren Fakultatea Kaliforniako Unibertsitatea Berkeleyn Institut national des langues et civilisations orientales |
| Doktorego ikaslea(k) | Tobie Nathan (mul) |
| Hizkuntzak | frantsesa ingelesa |
| Jarduerak | |
| Jarduerak | antropologoa, professeur des universités (en) , psikiatra, psikoanalista eta etnologoa |
| Lantokia(k) | Paris Austria-Hungariako Inperioa eta Banat |
| Enplegatzailea(k) | Paris Descartes Unibertsitatea École pratique des hautes études |
Biografia
aldatuJaiotzaz hungariarra zen. Hamar urte zituela, bere jaioterria Errumaniaren parte izatera pasatu zen, eta errumaniera ikastera behar zuten gauetik egunera.
Oso jakintzagai desberdinak landu zituen bizitzan zehar. Piano-ikasketak egin zituen, eta pianorako lan asko konposatu zuen. Hemezortzi urte zituela, Frantziara joan zen, Marie Curierekin, fisika ikastera. Ondoren, etnologia ikasi zuen.
Rockefeller fundazioaren beka bati esker, Estatu Batuetara joan zen hango indiarrak ikertzera, eta Kaliforniako mohave indiarrei buruz egin zuen doktore-tesia.
Ameriketako antropologo ospetsu asko ezagutu zituen, eta antropologia irakatsi zuen Estatu Batuetako hainbat unibertsitatetan. Amerikar herritartasuna hartu ondoren, psikoanalisia lantzen hasi zen, eta 1959an psikoanalista-bulegoa jarri zuen New Yorken.
Etnopsikiatria sortu zuen, hau da, gaixoaren kultura aintzat hartzen duen psikopatologia.
Berrogeita hamar urte zituela, greziar ikasketak egin zituen eta mitologia grekoaren aditu handienetako bat bihurtu zen.
Psikoanalisiari buruz egin zituen lanen artean, honakoak ditu: Mohave Ethnopsychiatry (Mohaveko Etnopsikiatria), Psychothérapie d´un Indien des plaines (Lautadako indiar baten psikoterapia), Study of Abortion in Primitive Societies (Abortuari buruzko ikerlana gizarte primitiboetan).
Zenbait hizkuntza zekizkien: hungariera, errumaniera, alemana, frantsesa, ingelesa eta abar.
Kanpo estekak
aldatu- (Frantsesez) Georges Devereux Zentroaren webgunea
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q722607
Multimedia: Georges Devereux / Q722607
