Ireki menu nagusia

Eugenio de Andrade, egiazko izena José Fontinhas (Póvoa de Atalaia, 1923ko urtarrilaren 19a - Oporto, 2005eko ekainaren 13a), portugaldar poeta izan zen.

Eugenio de Andrade
Eugénio de Andrade.jpg
Bizitza
Izen osoa José Fontinhas Póvoa de Atalaia
Jaiotza Fundão Itzuli1923ko urtarrilaren  19a
Herrialdea  Portugal
Heriotza Porto2005eko ekainaren  13a (82 urte)
Hezkuntza
Hizkuntzak gaztelania
portugesa
Jarduerak
Jarduerak poeta, idazlea eta itzultzailea
Jasotako sariak
www.cm-fundao.pt/oquefazer/biblioteca

1940ko hamarkadako abangoardiatik at gelditu zen. Konpromisorik gabeko hizkuntza artistikoa erabili zuen. Poesia espainiarraren eragin neorrealistak eta surrealistak nabari zaizkio, eta horrekin guztiarekin lirika originala eratu zuen: imagismo portugesa. Andraderen poesia metaforikoa da, hermetikoa izan gabe, eta osagai hauen inguruan eratzen da: lurra eta bere fruituak eta gorputzak, ura, udaberriko edota udazkeneko argia. Atsegina eta oinazea, bizitza eta heriotza ospatuz, sentsualitate garbi eta askea ematen zuen aditzera.

Haren liburuen artean As Mãos e os Frutos (1948, Eskuak eta fruituak), ospea eman ziona, Daqui houve nome Portugal (1968), Limiar dos Pássaros (1976), Memória doutro Rio (1978), Rente ao Dizer (1992) eta O Sal da Língua (1995) aipa daitezke. Bestalde, García Lorca, Safo, Char, Ritsos, César Vallejo eta Borgesen lanak itzuli zituen portugesera.

ErreferentziakAldatu

Kanpo estekakAldatu