Erich Leinsdorf

Erich Leinsdorf (Viena, 1912ko otsailaren 4a - Zurich, 1993ko irailaren 11a) estatubatuar orkestra-zuzendaria izan zen, jatorriz austriarra.

Erich Leinsdorf
Erich Leinsdorf.png
Bizitza
JaiotzaViena1912ko otsailaren 4a
Herrialdea Ameriketako Estatu Batuak
 Austria
HeriotzaZürich1993ko irailaren 11 (81 urte)
Hezkuntza
HeziketaMozarteum
University of Music and Performing Arts Vienna (en) Itzuli
Hizkuntzakalemana
ingelesa
Irakaslea(k)Richard Stöhr (en) Itzuli
Jarduerak
Jarduerakorkestra zuzendaria
Lantokia(k)New York
KidetzaArteen eta Zientzien Ameriketako Estatu Batuetako Akademia
Genero artistikoamusika klasikoa
Musika instrumentuatxeloa

IMDB: nm1257681 Allmovie: p407182
Spotify: 4WAWF88jefCusmHVGL0qem Musicbrainz: 2c145d01-a05a-4b68-9bf8-06c949df66ea Discogs: 696257 Allmusic: mn0000018933 Find a Grave: 107490090 Edit the value on Wikidata

Bost urte zituela, pianoa ikasten hasi zen, eta 1920. urtetik aurrera, Paul Pisken emaztearekin lan egin zuen. Ondoren, Paul Emerichekin (1923-1928) jarraitu zituen piano-ikasketak, eta Paul Amadeus Piskekin konposizioa. Biolontxeloa ere landu zuen, Lilly Koszekin batera. 1930ean, orkestra-zuzendaritzako ikastaro bat egin zuen Salzburgon. 1931tik 1933ra bitartean, Vienako musika-akademian trebatu zen, eta 1933an, akademia horretako orkestra zuzendu zuen. Handik urtebetera, Salzburgoko Jaialdiko zuzendari-laguntzaile izan zen. Ondoren, New Yorkeko Metropolitan operak laguntzaile gisa aritzeko eskatu zion, eta 1938an, Walkyria zuzendu zuen. Handik hilabetera, opera hartako bigarren zuzendari izendatu zuten, eta 1939an, alemaniar errepertorioko zuzendari hartu zuten. 1942an, Estatu Batuetako hiritartasuna hartu zuen. 1943tik 1946ra bitartean, Clevelandeko orkestrako musika-zuzendari izan zen, eta 1947tik 1956ra bitartean, Rochestereko orkestra filarmonikoko zuzendari. 1956an, New Yorkeko operako zuzendari izan zen. Handik urtebetera, Poulencen Karmeldarren elkarrizketa zuzendu zuen, San Franciscoko operan. Bostongo Orkestra Sinfonikoaren zuzendari izan zen, 1962tik 1969ra bitartean, eta bitarte horretan, zazpiehun kontzertutik gora eman zituen. Baina orkestraren administrazioarekin gorabeherak izan ondoren, hiria utzi, eta batetik bestera aritu zen. Hainbat bidaia egin zituen Europara, Bayreutheko Jaialdira, batez ere. Vienako Orkestra Filarmonikoan eta Berlingo Orkestra Sinfonikoan ere aritu zen.

ErreferentziakAldatu

Kanpo estekakAldatu