Ireki menu nagusia

DeskribapenaAldatu

Erdi Aroko gaztelua izandakoa orain ganga-formako teilatua duen etxe bateko hareharrizko harresiak eta antzinako ur-tanga baino ez dago. Harresien barnean beranduago eraikitako ermita dago. Omenaldi-dorrearen hondakinak ere badaude. Guztira gazteluak 62 metroko luzera eta 30 metroko zabalera ditu.

HistoriaAldatu

Kondairak dio 925ean Antso I.a Gartzes bertan lurperatu zutela dio, 908. urtean konkistatu eta gero. Banu Qasi leinuaren eskuetatik konkista horri ezker, Iruñeko Erresumako armada Ebro haranean sartu zen.

Kroniken arabera, hori baino lehen Zaragozatik etorritako Karlomagnoren armadak eta, hilabete batzuk geroago, Kordobako emirra zen Abderraman I.ak eraso zuten. Garai hartako gazteluaren jabea Moxmino izeneko buruzagi baskoia omen zen, gero Semeno leinuarekin lotuta. Deio bera edo eskualdeko beste gotorlekua zenetz ezin esan.

Gero, Antso II.a Nafarroakoak gaztelua eta inguruabarreko lurraldeak Iratxeko monasterioari eman zizkion. Antso III.a Nagusiak berriz, Iruñeko diozesiari.

XVI. mendearen hasieran, Nafarroako konkista eta gero Albako dukea zen Fadrique Álvarez de Toledo gazteluaren jabe bihurtu zen.

XIX. mendeko Karlistadetan karlistek eta liberalek okupatu zuten eraikina.

Kanpo loturakAldatu

Wikimedia Commonsen badira fitxategi gehiago, gai hau dutenak: Deioko gaztelua  
Euskarazko Wikipedian bada atari bat, gai hau duena:
Nafarroa