Chauvet leizea

Pont d'Arceko leize apaindua, Chauvet-Pont d'Arc leizeaz ezaguna, Ardèche¹ UNESCOren gizateriaren ondarea
Leizeetako labar-pinturak.
Mota	Kulturala
Irizpideak	i, iii
Erreferentzia	1426
Kokalekua	Frantzia
Eskualdea²	Europa / Ipar Amerika
Koordenatuak	44°23′15″N 4°24′51″E / 44.38750°N 4.41417°E / 44.38750; 4.41417
Izen ematea	2014 (XXXVIII. bilkura)
¹ UNESCOk jarritako izen ofiziala (euskaratua) ² UNESCOren sailkapena

Chauvet-Pont-d'Arc leizea (frantsesez: grotte Chauvet-Pont d'Arc) Ardèche departamenduko leizea, munduan antzinakoenak eta hobeto babesturiko labar-pinturak eta Goi Paleolitoko beste aztarnak dituena.^[1] Vallon-Pont-d'Arc udalerritik gertu, Ardèche ibaiaren antzinako ibilguan zegoen kareharrizko amildegi batean dago, l'Ardècheko arroilan. Eliette Brunel-Deschamps, Christian Hillaire eta Jean-Marie Chauvet espeleologoek 1994ko abenduaren 18an aurkitu zuten eta UNESCOk 2014an Gizateriaren Ondare izendatu zuen.^[2] Jean Clottes arkeologoak aztarnategia induskatu eta, nahiz eta oraindik zalantzazkoa izan, 2012ko ikerketa baten arabera, aurignaciar garaikoa da, duela 32.000–30.000 urte artekoa.