Bujaruelo

Bujaruelo ibarra (aragoieraz: Val de Buixaruelo) Pirinioetako hegoaldeko isuriko populaturik gabeko haran bat da, Huescako probintziako Sobrarbe eskualdean. Ordesa eta Perdidoko Parke Nazionalarekin muga egiten du, Ordesako haranaren ipar-mendebaldean justuki, Ara ibaiaren iturburua bertan dagoelarik.

Bujaruelo
Mota	haran
Geografia
Koordenatuak	42°42′N 0°06′W
Honen parte da	Bujaruelo - Garganta de Los Navarros
Mendikatea	Pirinioak
Estatu burujabe	Espainia
Autonomia	Aragoi
Probintzia	Huescako probintzia
Comarca of Aragon	Sobrarbe
Ur-gorputza	Ara

San Nicolás de Bujaruelo (1420 m) izeneko landan mendi-aterpea eta kanpalekua daude. Ara ibaia zeharkatzeko zubi erromanikoa dago, eta paraje hauek dira abiapuntua Taillon (3.155 m), Gabieto Ekialdea (3.031 m), Gabieto Mendebaldea (3.035 m), Tendeñera (2.853 m) eta Viñamala (3.298 m) mendietara igotzeko.

Historia

XVIII. mendea arte Bujaruelo populatua egon zen, bertan San Nicolás ospitalea zegoelarik, 1150 inguruan fraideek eraikia. Gaur egun zubia, elizaren eta ospitalearen hondarrak ikus daitezke oraindik.

Nahiz eta ibar honek natura eta faunari dagokionez ondare handia izan, turismo eta abeltzaintzarekin loturiko interesen ondorioz ez da parke nazionalera gehitu izan. Halaber, errepide bat eraikitzeko proiektua ere baztertu egin da, Espainia eta Frantzia lotuko zituena.

Argazki galeria

• 
  Zubi erromanikoa.
• 
  Ur-jauzia eta ibaia.
• 
  Basoan barneko bidezidorra.

Ikus, gainera

• GR 11

Kanpo estekak

• (Gaztelaniaz)Aterpetxearen webgunea.

• Datuak: Q3553977
• Multimedia: Valle de Bujaruelo / Q3553977