Bostekoa (telebista saioa)

Bostekoa
Formatua	Telebista saioa
Aurkezlea(k)	Aitor Zubieta
Iraupena	65-70 minutu
Herrialdea	Euskal Herria
Hizkuntza	Euskara
Ekoiztetxea(k)	PrimeTime Media SL
TB Katea	ETB1
Ordutegia	Igandetan 22:00ean (Ostegunetan 22:30etan, lehenengoa)
Emisioa	2019ko uztailaren 7a (2019ko otsailaren 21an, lehen saiakera) – Emisioan
Denboraldia(k)	1
Atal kopurua	7
Audientzia	%2,2

Bostekoa ETB 1en emititzen den telebista saioa da. Aitor Zubieta pilotari ohiak aurkezten du eta herrien arteko lehiak ditu ardatz herri-kirolen bidez. Euskaraz ematen den saioa da eta 2019ko otsailaren 21ean estreinatu zen. Lehenengo lau ataletan 8 herri elkarren aurka arituko dira eta gero finalerdiak eta finala egingo dira. Guztira 7 atal izango ditu denboraldiak.

Lehenengo atalak izan zuen audientzia datu kaskarra ikusita, Euskal Telebistak programaren emisioa bertan behera utzi zuen. Bere ordez Sukaldaria saioa jarri zuen ostegun gauetan.

Hala ere, udan saioa berreskuratu zuten eta 2019ko uztailaren 7an berriro hasi ziren lehenengo ataletik programa emititzen.

Saioaren azalpena

Saio bakoitzean elkarren artean lehia duten bi herri arituko dira elkarren aurka. Eta programaren hari gisa irratia egongo da. Herri bakoitzean, tokian tokiko irratia arituko da lehiaren eta esperientziaren inguruko emankizuna egiten.

Programak bi zati ditu. Lehenengoan Aitor Zubietak egun batzuk emango ditu programa horretan lehiatuko diren herrietan. Bertan herri horiek herri-kirolekin zein harreman duten aztertuko du eta inguruko jendearekin hizketan arituko da bertako jendea eta tokiak ezagutzeko. Zati honen helburua lehikideak eta herriak ikusleei gerturatzea eta lehiarako ikusmina piztea da.

Bigarren zatia berriz lehia izango da. Herri bakoitzean bost lehikidek hartuko dute parte eta bost proba izango dira egin beharrekoak. Proba hauek Mungiako Birleko probalekuan grabatuko dira. Herri kirolak ikus-entzuleei ikustaraztea da programaren helburuetako bat eta emozioz betetako atalak eskaintzea. Lehiakideen artean ere era guztietako kirolariak ikusteko aukera izango da.

Bost probak

• Sokatira: bi tiraldi eta hirugarrena berdinketa egonez gero.

• Harrijasotzea: 63 kiloko harriari 10 altxaldi.

• Txingak: 25 kiloko txinga parearekin 3 joan-etorri (21 metroko 6 plaza alegia).

• Trontza: euskal zerrarekin, 5 mozketa 45 ontzako perimetroa duen enborrari.

• Giza proba: 470 kiloko harriarekin 21 metroko 2 plaza egin.

Saria

Zortzi herrien artean irabazten duen boskoteak 5.000 euroko saria eta Herrien Arteko Pentatloi Txapelketako txapela eramango du.

Sailkapen nagusia

Zazpi saiotan, elkarren aurka aritu ziren 8 herriak eta azkenean Ibarrak irabazi zuen. Honela geratu zen sailkapen nagusia:

• 1. Ibarra

• 2. Errezil

• 3. eta 4. Goizueta eta Elorrio

• 5. 6. 7. eta 8. Tolosa, Abadiño, Leitza eta Azpeitia

Denboraldiak

Denboraldia		Atalak	Estreinaldia	Amaiera	Audientzia (bataz bestekoa)
					Ikusleak	Kuota
	1	7	2019ko otsailaren 21a 2019ko uztailaren 7a	2019ko irailaren 15a	-----	%2,2

Atalak eta audientziak

Atala	Izenburua	Emisio data	Audientzia
			Ikusleak	Kuota (eusk.)
1	1. final-laurdena: Ibarra - Tolosa	2019ko otsailaren 21a (lehen saiakera) 2019ko uztailaren 7a	3.000 ikusle --	%0,4 (%1,4) %1,0
2	2. final-laurdena: Elorrio - Abadiño	2019ko uztailaren 14a		%2,2
3	3. final-laurdena: Leitza - Goizueta	2019ko uztailaren 21a		%3,4
4	4. final-laurdena: Azpeitia - Errezil	2019ko uztailaren 28a		%2,8
5	1. finalerdia: Errezil - Goizueta	2019ko irailaren 1a		%3,1 (%7,2)
6	2. finalerdia: Ibarra - Elorrio	2019ko irailaren 8a		%1,4 (%3,8)
7	Finala: Ibarra - Errezil	2019ko irailaren 15a		%1,3 (%2,8)

Kanpo estekak

• Webgune ofiziala

• Datuak: Q65218901