Blefaritisa (antzinako grezieraz: βλεφαρός, "betazal") betazalenhantura da, hainbat motatakoa izan daitekeena. Hiperemia dutenek, nekeak jotako pertsonek, astenikoek edo gorpuzkera ahulekoek izaten dutena.
Blefaritis koipetsua. Betiletan eta, zetaka gris zurixkak, koipetsuak agertzen dira; dermatitis koipetsuarekin batera azaldu ohi da.
Estafilokoko blefaritisa. Izen bereko germenak sortzen duena da; betazalen hantura kronikoa du ezaugarri. Betazalak gorritu egiten dira eta betileetan itsatsirik zetakak agertzen dira. Konjuntibitisarekin batera azaltzen da eta kornea honda dezake.
Ertzetako blefaritisa. Begiaren kanpoaldeko zein barnealdeko ertzetakoa; pitzadurak eta zauritxoak ditu ezaugarri; klima epel-lehorreko lurraldeetan azaltzen da batez ere. Morax Axenfelden baziloak sortua da gehienetan. Blefaritis mota hauek guztiak hainbat eragilek sortzen dituzte, baina elikadura eskasa, kea, hautsa, eta ahulezia beste hainbat eragileren lagungarri izaten dira.