Basilika zisterna

Basilika uhaska» orritik birbideratua)

Basilika zisterna (grezieraz Βασιλικὴ κινστέρνη / Basilikè kinstérnè), turkierazko izenarekin ere ezaguna Yerebatan Sarnıcı ("lurrazpiko uhaska"), Istanbulen dagoen lurrazpiko uhaska erraldoia da, Hagia Sofiatik 150 m hego-mendebaldean kokatua, VI. mendean eraiki zen bizantziar enperadore zen Justiniano I.aren aginduz[1]. Uhaskaren erabilera ur hornidura ziurtatzea zen, batez ere setio kasuan Valenteren akueduktua suntsitzen bazuten.

Basilika zisterna
Yerebatan Sarnıcı
Kokapena
Estatu burujabe Turkia
Turkiako probintziaIstanbul probintzia
Milioi bat biztanle baino gehiago dituen hiriaIstanbul
Turkiako barrutiaFatih
Koordenatuak41°00′30″N 28°58′41″E / 41.0084038°N 28.9779209°E / 41.0084038; 28.9779209
Map
Arkitektura
Estiloabizantziar arkitektura
Webgune ofiziala

Historia aldatu

Lurrazpiko egitura honen izena Konstantinopoliseko lehen muinoan zegoen plaza handi batetik datorkio, Stoa Basilica, uhaskaren gainean zegoena. Antzinako testuen arabera, 7.000 esklabok lan egin zuten zisterna eraikitzeko[1].

Uhaskak Konstantinopoliseko Jauregi Handiaren eta beste eraikin batzuen ur hornidura ziurtatzen zuen, eta otomandarren konkistaren ondoren, Topkapi jauregiarena ere bai.

Ezaugarriak aldatu

 
Uhaskaren oinplanoa

Oinplano laukizuzenekoa, Basilika zisterna 138 x 64,6 m luze-zabal da, eta honen edukiera 78.000 m³ da, Istanbuleko handiena. Kanpo hormak adreiluzkoa dira, 4m zabalekoak, eta zementuzko emokaduraz estaliak. Barnealdea 28 zutabedun 12 ilaraz osatua dago, guztira 336 zutaberekin. Zutabe monolitiko hauek, 8 m garai dira (Filoxenos uhaskakoak 12,4 m garai dira) eta adreiluzko arku eta gangak eusten dituzte. Gehienek korintiar ordenako kapitelak dituzte, baina inposta blokeak ere badira. Horietako biren oinarria berrerabilitakoak dira, Medusa buru zizelkatua baitute. Kolomartea 4,75 eta 5,10 m artekoa da.

Irudiak aldatu

Erreferentziak aldatu

Ikus, gainera aldatu

Kanpo estekak aldatu