Balatako kanpamentua
Balatako errefuxiatu-kanpamentua (arabieraz: مخيم بلاطة: ), Zisjordanian dagoen errefuxiatu palestinarren kanpamentua da, Nablus hirian. 1950ean sortua, Zisjordaniako errefuxiatuen kanpamendurik handiena da, 23.600 biztanle inguru baitzituen 2014ko urtarrilean. 0,252 kilometro koadroko eremua baino ez du, eta, beraz, oso populatuta dago (118.000 biztanle kilometro koadroko).[1]
| Balatako kanpamentua مخيم بلاطة | |
|---|---|
| Iheslarien esparrua | |
_viewed_from_Joseph_lookout_point.JPG) | |
| Administrazioa | |
| Occupied territory | Zisjordania |
| Palestina Estatuko lurralde-antolaketa | Nablusko Gobernazioa |
| Izen ofiziala | مخيم بلاطة |
| Jatorrizko izena | مخيم بلاطة |
| Geografia | |
| Koordenatuak | 32°12′N 35°18′E / 32.2°N 35.3°E |
 | |
| Azalera | 0.25 km² |
| Altuera | 494 m |
| Demografia | |
| Biztanleria | 24.000 |
| Dentsitatea | 96.000 bizt/km² |
| Informazio gehigarria | |
| Ordu eremua | UTC+02:00 eta UTC+03:00 |
Kanpamentuko errefuxiatuak Jaffa, Lod eta Ramla hirikoak dira jatorriz, baita beste 60 bat herri eta herrixkatakoak ere; horietako asko beduinoak dira.[2] Israelen okupazioaren aurkako erresistentzia palestinarraren gotorlekuetako bat da, eta estatu horren indarrek kanpalekuko 200 errefuxiatu baino gehiago hil dituzte azken urteotan.[3]
Historia aldatu
1948ko gerraren ondorioz, Zisjordania osoa Jordaniaren okupaziopean geratu zen, eta egoera hori Erresuma Batuak, Pakistanek eta Irakek bakarrik onartu zuten.
1950ean, NBEk behin-behineko ostatu bat eman zien Jaffa inguruko errefuxiatu askori, baina errefuxiatuek uko egin zioten hasieran, eta beren etxeetara lehenbailehen itzultzeko nahia adierazi zuten. Ez zuten geratzeko batere gogorik. Bi urtez lekuz aldatu ondoren, NBEren eskaintza onartu eta Balatan finkatu ziren. 1956an, Balatako kanpamentuko errefuxiatuek leku iraunkorragoa eskatu zuten, eta horrek, Israelgo muga erabat ixtearekin batera, jatorrizko kanpin-dendak ordezkatu zituzten zementuzko etxeetara lekualdatzea eragin zuen. 1967ko Sei Eguneko Gerraren ondoren, Israelek Zisjordaniaren kontrola hartu zuen eta ordutik okupazio militarreko erregimen batean mantendu du.
Nazio Batuen Batzar Nagusiaren eta Segurtasun Kontseiluaren ebazpen ugarik eskatu dute Israelgo armada 1967 baino lehenagoko mugetara erretiratzea. Kanpalekua izan da palestinar herriaren eskubideen aldeko borrokan aktiboenetako bat, eta lehena izan zen 1994an Errefuxiatuen Eskubideen Defentsarako Batzordea sortzen.
Biolentzia politikoa aldatu
Egoera ezegonkarra da eta sarritan alde desberdinen arteko liskarrak sortzen dira:
- XX. mendeko laurogeiko eta laurogeita hamarreko hamarkadetan, Balatako kanpamentuko biztanleek paper garrantzitsua izan zuten Lehenengo Intifada eta Bigarren Intifada bezalako matxinadetan.
- 2007ko azaroan, Palestinako Aginte Nazionaleko polizia batzuk kanpamentuko teilatuetara igo ziren, eta tiro-trukeak hasi zituzten Al-Aqsako Martirien Brigadaren milizianoekin; azken hauek kanpamentua gotorleku militar bihurtua zuten. Bost bizilagun eta polizia bat zauritu ziren tiroketan.
- 2016ko azaroan liskar bortitzak izan ziren Palestinako segurtasun indarren eta Fatahen korronte alternatibo baten aldekoen artean.
- Israelgo armadak eta poliziak astero bilatze- eta atxilotze-operazioak egiten dituzte kanpamentuan, askotan gauez, eta kalte handiak eragiten dituzte errefuxiatuen etxeetan, eta antsietatea eta beldurra eragiten dituzte, batez ere haurren artean.[4] Kanpamenduko errefuxiatuek etengabe salatu dute Israelgo armadak entrenamendu-zelai gisa erabiltzen duela; era berean, sarritan sartzen da Joseren Hilobia bisitatu nahi duten israeldarrei laguntzeko, kanpamenduaren inguruan baitago.[5]
Pertsona ospetsuak aldatu
- Sakher Habash, Fatah erakundearen sortzaile bat.
Erreferentziak aldatu
- ↑ https://unrwa.es/campamento/balata/
- ↑ https://www.welcometopalestine.com/destinations/nablus/balata/
- ↑ https://www.972mag.com/balata-refugee-camp-funding-ycc/
- ↑ https://www.swissinfo.ch/spa/israel-palestina_dos-palestinos-mueren-por-fuego-israelí-en-una-redada-en-el-norte-de-cisjordania/48510364
- ↑ https://www.swissinfo.ch/spa/afp/la-tumba-de-josé--lugar-santo-judío-en-tierra-palestina/41724176
Kanpo estekak aldatu
- (Ingelesez):Balatari buruzko bideoak.
- (Ingelesez):UNWRAren testuak.
Datuak: Q2880573
Multimedia: Balata Camp / Q2880573
