Bahitua (Robert Louis Stevenson)

Kidnapped
	Kidnapped eleberriaren 1888ko lehenbiziko estatubatuar argitalpena (Scribner's Sons, New York.
Datuak
Idazlea	Robert Louis Stevenson (1886)
Argitaratze-data	1886
Generoa	Abentura eta Historia
Jatorrizko izenburua	Kidnapped
Hizkuntza	Ingelesa eta eskoziera
Argitaletxea	Cassell & Co (en)
Herrialdea	Eskozia
Orrialdeak	136
Euskaraz
Izenburua	Bahitua
Itzultzailea	Susana Preboste
Argitaratze-data	1994
Orrialdeak	295
ISBN	9788487484209

Bahitua (jatorrizko izenburua ingelesez Kidnapped) Robert Louis Stevenson eskoziar idazlearen historia eta abenturazko eleberri bat da. Lehenbiziko aldiz 1886ko maiatza eta uztailaren artean Young Folks aldizkarian argitaratu zen. 1893an Catriona izeneko jarraipen eleberria argitaratu zen.

Argumentua

Eskozian, 1752. urtean dago girotua, 1745eko Matxinada jakobita eta gero. Protagonista David Balfour izeneko hemezortzi urteko mutil bat da eta eleberria benetako gertaera historiko batean oinarritzen da: Britainiar Gobernuko ordezkari zen Colin Campbell Azeri Gorriaren hilketa eta haren ondorioak.

Zenbait pertsonai historiko agertzen dira eleberrian zehar, garrantzitsuenak: Colin Campbell, Allan Breck Stewart, James Stewart, Cluny MacPherson eta Rob Roy entzutetsuaren seme zen Robin Oig MacGregor.

Aipatzekoa da Stevensonek Eskoziako Lur Garaietako biztanleekiko eta kultura gaelikoarekiko orohar azaltzen duen sentiberatasuna eta begirunea.

Bitxikeri gisa, Duncan Dhu musika taldearen izena eleberri honetan agertzen den Duncan Dhu Maclaren pertsonaitik dator.