Zerrenda:Eraikuntza-lanetako terminoak

Ospitale baten eraisketa Sevilla hirian.

Eranskin honetan arkitektura arloko termino batzuk biltzen dira, bai eta material ezberdinak erabiliaz garatzen diren zenbait eraikuntza-lan ere.

Aurrelanak

Eraikuntza garatuko den eremuan, obra hasi aurretiko lanak kontuan hartzen dira:

• Lursailaren garbiketa eta sasi-kentzea.
• Lehendik dauden eraikinen eraisketa.
• Lurzoruaren mugimenduak: lubetak, betelanak, lur-berdinketak.
• Lurzoruaren garraiatzea: soberakinen ebakuazioa edo mailegu-ekarpenak.

Egitura-sistema

Euste-horma ohikoenak.

Zimendatze- eta lurzoruaren euste-lanak

Eraikuntzaren euskarria lurzoruan bermatzea ezinbestekoa da.

• Zimendatzea: zapata jarraitu edo isolatuen, piloteen, lauzen, putzuen eta antzeko elementuen exekuzioa.
• Euste-hormak: euste-egiturak, pantaila-hormak, ohol-hormak, pilote bidezko pantailak, batatxe bidezko hormak, eta abar.
• Forjatu sanitarioak edo solerak.

Egitura

Oreka mekanikoa, egonkortasuna eta erresistentzia bermatzen dituen azpisistema da.

• Egitura-elementuak: zutabeak, karga-hormak, habeak, forjatuak, saretak, eta abar.
• Egituren materialak: hormigoi armatua, altzairua, egurra, beira, zuntzak, eta abar.
• Baliabide laguntzaileak: kofratuak, aldamioak, eta abar.

Inguratzailea

Estalkia

Estalki inklinatua (elementuak).

Estalkiak, egitura funtzioaz gain, beste bi funtzio ere bete beharko ditu: urak bideratu eta hustea batetik, eta agente klimatiko edota fisikoetatik babestea bestetik (euri-urak, elurra, haizea, beroa).

• Estalkietarako erabiltzen diren materialak: teila, kobrea, zinka, aluminioa, material iragazgaitzak, eta abar.

Kanpo-itxiturak

Itxitura-funtzioa dute, eta kanpo- eta barne-giroekiko isolamendu akustikoa eta higrometrikoa bermatzea dute helburu.

• Fatxada

Kanpo-arotzeria

Leihoak, leihateak eta kanpoaldeko ateak. Horien funtzioa isolamendu akustikoa eta higrometrikoa bermatzea da, leiho eta leihateen kasuan kanpoaldeko bistak, argiztapena eta aireztapena ahalbidetzearekin batera.

• Beirategia: leiho, leihate edo atearen beirazko atala.
• Babesa: pertsiana, pertsiana-kutxa, baranda, eta abar.

Barne-banaketa

Bi eremu edo gehiago banatzen dituzten eraikuntza-elementuak dira.

• Igeltserotza: zeramikazko fabriken eta morterozko blokeen eraketa edota lan gehigarriak (laguntzaileak).
• Trenkada arinen muntaketa: kartoi-igeltsua.

Barne-arotzeria

• Ateak

Estaldurak

Bi funtzio nagusi dituzte: babesa eta estetika. Honez gain, jaso ditzaketen erabilerek lesio eta agenteen erasoekiko portaera egokia bermatu beharko dute.

Emokadura

• Igeltsu-morterozko estaldura: luzituak.
• Kare-morterozko estaldura.
• Zementu-morterozko estaldura: zarpiatua.

Azuleju-estaldura

• Baldosa zeramikoak
• Zokaloak

Apaingarriak

• Margoak
• Iztukatuak

Sabaien estaldura

• Sabai aizunak
• Emokadurak orokorrean

Zoladurak

Higaduraren eta puntzonamenduaren aurrean erresistentzia bermatu beharko dute, baita uraren eta agente kimikoen aurrean ere.

• Baldosa zeramikoak
• Zurezko tarima arruntak
• Tarima flotatzailea, zoru laminatuak