Youssef El-Sebai

Yusuf Mohamed Mohamed Abdel Wahab Al-Sibai (arabieraz: يوسف السباعي‎; Kairo, 1917 – Nikosia, 1978) egiptoar idazlea izan zen. Familia apal batean sortu zen, baina aita idazlea zuen, eta harengandik etorri zitzaion literaturarako eta idazketarako zaletasuna. Horrela, oso gazterik hasi zen idazten, eta bigarren hezkuntzako ikasketak egiten ari zela eman zuen argitara bere lehenengo kontakizun laburra, Megallati aldizkarian. Harrezkero, zenbait aldizkaritan eman zituen argitara idazlanak. 1937an ikasketa militarrak osatu eta graduazioa eskuratu ondoren, akademia militarreko irakasle izan zen, eta 1952an Museo Militarreko zuzendari izendatu zuten. Karrera militarra alde batera utzi ondoren, kulturaren alorreko hainbat karguren ardura izan zuen, besteak beste, Arteetako Jauregi Nagusiko jeneralarena eta Afrika-Asia Elkartasunaren Hitzarmeneko jeneralarena, harik eta 1973an Kulturako ministro egin zuten arte. Lan handia egin zuen, orobat, literaturaren alorrean: zenbait aldizkariren sorreran parte hartu zuen, eta Idazle Arabiarren Elkartearen sortzaile izan zen, Ihsan Abdel-Qoddous kazetari eta eleberrigilearekin batera. El-Sebairen lanetan nabarmen agertzen da bere garaiko egoera eta baldintza gero eta kaskarragoak gainditzeko iraultzen beharra, etorkizuna hobea izango bazen; baldintza kaskar horiek islatzeko, klase zapalduetako kideak, klase behartsuetakoak, aukeratzen zituen bere lanetarako protagonista. Bere eleberrien artean aipagarria da, batez ere, Ez zaude bakarrik, hainbat gairi buruzko bere ikuspegia garbien azaltzen duena, baina garrantzitsuak dira, halaber, Banoa, Nire bihotz sendatua, Bizitza une bat besterik ez da, Hipokrisiaren erresuma eta Irribarrea ezpainetan. Muturreko palestinar talde batek hil zuen, hitzaldi bat ematen ari zela.

Youssef El-Sebai
Minister of Information (en) 1975eko abuztuaren 18a - 1975eko urriaren 27a ← Aḥmad Kamāl Abū al-Majd (en) - Q124972606 →
Bizitza
Jaiotza	Kairo, 1917ko ekainaren 10a
Herrialdea	Egipto
Heriotza	Nikosia, 1978ko otsailaren 18a (60 urte)
Familia
Aita	Muḥammad ibn Muḥammad al-Sibāʿī
Familia	ikusi Q12222439 (husband of sister of wife (en) )
Hezkuntza
Hizkuntzak	arabiera
Jarduerak
Jarduerak	idazlea, politikaria, kazetaria, eleberrigilea eta gidoilaria
Lan nabarmenak	ikusi Virtue for Sale (1950 film) (en) Back Again (en) The Comic Society for Killing Wives (en)
Jasotako sariak	ikusi Lotus Prize for Literature  (1974)
Izengoitia(k)	Yusuf Sibai

Erreferentziak

• Datuak: Q2919027