Ireki menu nagusia
Tolosa
Izen osoa: Xabier Tolosa Abendibar
Jaiotza data: 1995eko urriaren 24a (23 urte)
Jaioterria: Anoeta (Gipuzkoa)
Pilotaria
Modalitatea: esku huskako pilota
Egungo enpresa: Aspe
Postua: atzelaria
Altuera: 1,91 m
Pisua: 93 kg
Debutatze data: 2013ko abenduaren 30a
Debutatze pilotalekua: Beotibar (Tolosa, Gipuzkoa)

Xabier Tolosa Abendibar, pilota arloan Tolosa deituraz ezaguna (Anoeta, Gipuzkoa, 1995eko urriaren 24a), esku huskako pilotari profesionala da. Atzelari aritzen da, Aspe enpresarekin. Estatistika ofizialen arabera, 1,91 m luze da, eta 93 kilo pisatzen du. Profesionaletako lehendabiziko partida 2013ko abenduaren 30ean jokatu zuen, Tolosako (Gipuzkoa) Beotibar pilotalekuan. Gorputzez handia izanagatik, oso ondo mugitzen da kantxan, azkarra da buruz, ez du tanto askorik galtzen, eta bi eskuekin ederki astintzen du pilota. 16 urte besterik ez zuela, Biharko Izarrak txapelketa irabazi zuen; eta, 18 urterekin, profesionaletan debutatu eta bi hilabetera, Abel Barriolaren ordezko izendatu zuten, Juan Martinez de Irujo lagun Esku Huskako Binakako Pilota Txapelketa Nagusiko partida bat jokatzeko, oso maila onean hasi baitzen profesionaletan.[1]

2015eko apirilaren 25ean, Erik Jaka aurrelaria lagun, bigarren mailako binakako txapelketa irabazi zuen, Rico IV.a-Larunbe bikoteari 22-17 gaina hartuta.[2]

Kirol lorpenakAldatu

ErreferentziakAldatu

  1. (Gaztelaniaz) Igor G. VICO: «El bautismo de fuego de Xabier Tolosa», Deia, 2014-02-27.
  2. (Gaztelaniaz) Igor G. VICO: «Jaka se da un baño», Deia, 2015-04-26.

Kanpo loturakAldatu