William Thurston
William Paul Thurston (Washington D.C., 1946ko urriaren 30a - Rochester, 2012ko abuztuaren 21a) estatubatuar matematikaria izan zen. Lehenengo ikasketak Sarasotako New Collegen (Floridan) egin zituen. Doktoregorako ikastaroak Berkeleyko Kaliforniako Unibertsitatean egin zituen, Morris Hirsch eta Stephen Smaleren zuzendaritzapean, eta tesia 1972an aurkeztu zuen. Hurrengo urteetan, Princetongo Ikerketa Aurreratuetako Institutuan eta Massachusettseko Teknologia Institutuan aritu zen. 1974an, irakasle izendatu zuten Princetonen. 1983an, Fields Domina jaso zuen Varsoviako Nazioarteko Kongresuan. Thurstonek ekarpen garrantzitsuak egin ditu Kleinen taldeetan (Poincarék eta Ahlforsek aztertu zituzten lehenengo aldiz), eta haren lanak eragin handia izan du hiru dimentsioko topologian. Fields dominaz gainera, beste ohore asko jaso ditu Thurstonek: Amerikako Matematika Elkartearen Oswald Veblen Geometria saria (1976) eta Alan T Waterman saria (1979), besteak beste. Bestalde, Alfred P. Sloan Fundazioko kide izan zen 1974tik 1975era.
| William Thurston | |
|---|---|
 | |
| Bizitza | |
| Jaiotza | Washington, 1946ko urriaren 30a |
| Herrialdea |
 Ameriketako Estatu Batuak |
| Heriotza | Rochester, 2012ko abuztuaren 21a (65 urte) |
| Heriotza modua | berezko heriotza: Minbizia |
| Hezkuntza | |
| Heziketa |
Kaliforniako Unibertsitatea Berkeleyn New College of Florida  |
| Tesi zuzendaria |
Morris Hirsch |
| Doktorego ikaslea(k) |
Oded Schramm David Gabai Richard Kenyon Benson Farb Igor Rivin Yair Minsky |
| Jarduerak | |
| Jarduerak | matematikaria, topologoa eta unibertsitateko irakaslea |
| Enplegatzailea(k) |
Princetongo Unibertsitatea Kaliforniako Unibertsitatea Berkeleyn University of California, Davis Cornell Unibertsitatea |
| Jasotako sariak |
ikusi
|
| Kidetza |
Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia |
ErreferentziakAldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q333927
Multimedia: William Thurston
