Vladimir II.a Monomako

Vladimir II.a Monomako (errusieraz: Влади́мир II Все́володович Монома́х, translit.: Vladimir II Vsevolodovitx Monomaj; * 1053 – 1125eko maiatzaren 19a) ekialdeko eslaviar agintaria izan zen, Kieveko Printze Handi tituluaren jabea.

Vladimir II.a Monomako
Irudi gehiago
Txernigoveko printzea Kieveko printzea
Bizitza
Jaiotza	Pereiaslav (en) , 1053
Herrialdea	Kieveko Rusa
Lehen hizkuntza	Antzinako ekialdeko eslaviera
Heriotza	Kiev, 1125eko maiatzaren 19a (71/72 urte)
Hobiratze lekua	Santa Sofia katedrala
Familia
Aita	Vsevolod I of Kiev
Ama	Monomahinya
Ezkontidea(k)	Eufimia (en) Gytha of Wessex (en)  (1074 -
Seme-alabak	ikusi Mstislav I of Kiev (en) Yaropolk II of Kiev (en) Viacheslav I of Kiev (en) Euphemia of Kyiv (en) Juri Dolgoruki Agafia of Kyiv (en) Andrzej Włodzimierzowic (en) Iziaslav (en) Sviatoslav (en) Roman Włodzimierzowic (en) Maritsa Vladimirovna (en) Sofya (en)
Anai-arrebak	ikusi Rostislav Vsevolodovich (en) Eupraxia Kievekoa Anna Vsevolodovna of Kyiv (en)
Leinua	Rurik leinua
Hezkuntza
Hizkuntzak	Antzinako ekialdeko eslaviera
Jarduerak
Jarduerak	idazlea, buruzagi militarra eta politikaria
Sinesmenak eta ideologia
Erlijioa	kristautasun ortodoxoa Eliza ortodoxoa

Biografia

Vladimir 1053an jaio zen. Kieveko Vsevolod I.aren semea, bere lehengusu Sviatopolk II.aren ondorengotzan hartu zuen Kieveko Printze Handi titulua, 1113an. Jada hirurogei urte zituen tronura igo zenean, baina hala ere bere erresumari ospea itzuli zion eta eta barne arazoak konpontzen jakin zuen fakzio desberdinak anaituz. Kiev eta Novgoroden Vladimirren boterea eztabaidaezina izan zen, eta bigarren mailako hainbat printzerritan piztutako altxamenduak garaitzea lortu zuen, Tmutarakaingo printzerria kumandarrek konkistatu bazuten ere. Guztiarekin, haiekin zuen muga finkatzea lortu zuen izandako arazoak saihesteko. 

"Irakaspen"(Pouchénie Vladímira Monomaja) bat idatzi zuen, bere seme-alabei eskainia, eslaviar literaturako lehen lanetariko bat. Printzeei Ispilu edo Irakaspen bat zuen barne, garaiko literaturan nahiko ohikoa den generoa. Testamentu moral bat da, non Monomakok printze baten betebeharrak azaldu eta  duke baten printzipio moralak definitzen baititu, bere bizitza adibide gisa jartzearekin batera.

Honetaz gain, Vladimirrek antolatzaile eta administratzaile aparta izateagatik lortu zuen izen ona. 1108an Vladimir hiri gotortua sortu zuen Kliazma ibai ertzean, belaunaldi baten buruan Ruseko hiriburu bilakatuko zena.

Honetaz guztiaz gain, Vladimir gerlari eta negoziatzaile ona izan zen. Errege izendatua izan baino lehen ere, paper garrantzitsua bete zuen mugako estepa defenditzeko printzeen artean egin ziren bileretan, (1097-1100), haien arteko ika-mikei amaiera emanez (1103). 1111n Salnitsako gudua zuzendu zuen kumandarren kontra. Bere erregetzan zehar, kanpainak egiten jarraitu zuen, Livonia, Finlandia eta beste herrialde batzuen aurka. 1125eko maiatzaren 25ena hil zen, Kieven.

Kremlingo armategian Monomakoren txanoa kontserbatzen da. Kondairaren arabera, Konstantino Monomako enperadore bizantziarrak oparitu zion Vladimirri.

Ezkontzak eta ondorengotza

Ingalaterrako Harold II.aren alaba Gytharekin ondorengo semeak izan zituen:

• Kieveko Mstislav I.a, Kieveko Printze Handi.
• Jaropolk II.a, Kieveko Printze Handi.
• Kieveko Viatxeslav I.a, Kieveko Printze Handi.

Emazte bizantziar ezezagun batekin izandako ezkontzatik:

• Juri Dolgoruki, Suzdalgo duke eta Kieveko Printze Handi.
• Kieveko Eufemia, Koloman Hungariakoa erregearekin ezkondua.

Erreferentziak

• Datuak: Q60928
• Multimedia: Vladimir II Monomakh, Grand Prince of Kyiv / Q60928