Ireki menu nagusia

Valentin Solagaistua Canales (Getxo, Bizkaia, 1937 - 2011ko maiatzaren 9a) euskal herritar politikaria izan zen. Eusko Abertzale Ekintza alderdiko idazkari nagusia izan zen trantsizioan eta Euskadiko Alderdi Sozialista - Euskadiko Ezkerrako Sopelako udal taldeko bozeramailea bere bizitzako azken urteetan.

Valentin Solagaistua
Valentin Solagaistua.jpg
Bizitza
Jaiotza Getxo1937
Herrialdea  Bizkaia, Euskal Herria
Heriotza Getxo2011ko maiatzaren  10a (73/74 urte)
Hezkuntza
Hizkuntzak gaztelania
Jarduerak
Jarduerak politikaria
Kidetza Euskadi Ta Askatasuna
Sinesmenak eta ideologia
Alderdi politikoa Espainiako Langile Alderdi Sozialista
Eusko Abertzale Ekintza

Bizitza politikoaAldatu

Frankismo garaian ETAko kide izan zen. Militantzia horren harira, lau urtez egon zen kartzelan, zigorra bukatutakoan erbestera jo zuelarik, Venezuelara. Bertan, Eusko Abertzale Ekintzako zenbait buruzagi historikoekin jarri zen harremanetan, tartean Pello Irujo edo Gonzalo Nardiz, azkenean alderdian sartuz. Geroago, alderdiko idazkari nagusia bihurtuko zen.[1]

Francoren heriotzaren ondoren bueltatu zen Euskal Herrira, EAEko idazkari nagusia izan zelarik ia bost urtez. Bere alderdiaren ordezkari gisa hartu zuen parte, Euskal Herriko oposizio antifrankistaren zenbait erakundetan.[2][3] Xibertako elkarrizketetan ere hartu zuen parte, 1977an eman zirenak indar abertzale desberdinen artean, Telesforo Monzónek deituta. Ondoren, Adolfo Suarezekin amnistia eskatzeko batu zen alkate desberdinen delegazioko kide ere izan zen.[4]

EAEk Espainiako 1977ko hauteskunde orokorretan jasotako emaitza txarren ondoren, bertan, Solagaistua Bizkaiko hautagaia izan zelarik,[5], EAE Altsasuko Mahaia deitu zitzaion akordioa sinatu zuen, ezkerreko beste indar abertzale batzuekin batera (ESB, HASI eta LAIA) Herri Batasuna koalizioari hasiera emanez. 1979ko Espainiako hauteskunde orokorretan, Solagaistua, Herri Batasuneko Bizkaiko hautagaia izan zen, baina ez zen aukeratua izan.

EAEren V kongresuan, 1979ko uztailean ospatu zena, bi barne-korronteren talkaren ondoren, Solagaistuak bere dimisioa aurkeztu zuen, bere lekua Josu Aizpuruak hartu zuelarik.[6] Nahiz eta idazkari nagusi moduan dimititu, Getxoko zinegotzi[7] eta Bizkaiko batzarkide izaten jarraitu zuen, 1979ko udal eta foru hauteskundeetan aukeratu baitzuten.

Geroago, Euskadiko Alderdi Komunistara pasa zen, Ezker Batuan parte hartuz, azken alderdi honetako hautagai izan zelarik 90. hamarkadako hainbat hauteskundetan. Euskadiko Alderdi Sozialista - Euskadiko Ezkerra alderdira pasa zen beranduago, Sopelako alkategai eta ondoren bere taldeko eledun izan zelarik 2007ko hauteskundeetan.[8]

2003an, Getxo, historia de sus gentes (Getxo, bere jendearen historia) liburua kaleratu zuen.[9]

2011ko maiatzaren 11ko goizaldean hil zen, gaixotasun baten ondorioz.[10]

ErreferentziakAldatu