Txurdinaga

Txurdinaga
	Euskal Herria
	Gabriel Aresti etorbidea Txurdinagan.
Kokapena
Herrialdea	Bizkaia
Udalerria	Bilbo
Administrazioa
Posta kodea
Geografia
Koordenatuak	43°15′25″N 2°54′27″W / 43.2569°N 2.9075°W43°15′25″N 2°54′27″W / 43.2569°N 2.9075°W
Azalera	1,10 km²
Demografia
Dentsitatea	Adierazpen errorea: puntuazio karaktere ezezaguna "," bizt/km²

Txurdinaga Bilboko auzoa da. Bilboko hirugarren barrutian kokatuta dago, Otxarkoaga-Txurdinagako barrutian alegia. Auzoak 109,67 hektareako azalera dauka eta 17.976 biztanle (2004ko datuen arabera).

1970eko hamarkada hasiera arte, auzoan baserriak eta ortuak baino ez zeuden. Gerra Zibilaren osteko hazkundeak eta hiriko beste guneetan zegoen toki eskasiak bultzatuta milaka etxebizitza eraiki ziren auzoan.

Garapenkeriako hirigintza kaotikotik aldenduz, auzoak kale eta etorbide zabalak ditu, eta parkeak nagusi dira, esaterako Europa Parkea. Horrela, eraikitako etxebizitzak bertikalki pilatu ziren, 12-13 solairuetako dorreetan. Ondorengo hamarkadetan etxebizitza gehiago eraiki ziren, Bilboko zabalgune berri hontan.

Gaur egun auzoak ez du apenas eraikitzeko toki gehiagorik. 2007an EuskoTrenen "Metroaren Hirugarren Linea"k auzoa Bilbo erdigunearekin eta aireportuarekin batuko du.

Berde guneakAldatu

Auzoak kale eta etorbide zabalak dauzka. 1988 urtean Europa parkea sortu zen (Bilboko parke sinbolikoenetariko bat da). Europa parkeak 107.000 metro koadroko azalera dauka. Parkean hainbat zuhaitz mota eta ahateak dituen aintzira bat dago.

MerkatuaAldatu

Gehienak Txomin Garat kalean eta Julian Gayarre kalean daude. Gainera, supermerkatu batzuk daude; Eroski da handiena.

ElizakAldatu

Bi eliza daude, baina garrantzitsuena Birjinetxe deitzen da.

KirolaAldatu

Txurdinagan udal-kiroldegi handi bat dago, Europa parkearen ondoan. Han, kirol modalitate asko praktikatu daitezke; esate baterako, saskibaloia,futbola,tenisa, igeriketa, eta abar.

HezkuntzaAldatu

Txurdinagan bi ikastola (Begoñazpi eta Kirikiño) eta ikastetxe batzuk (Pio Baroja, Txurdinaga- Artabe, Artatxe, Txurdinaga-Behekoa eta Gabriel Aresti ) daude.

OsasunaAldatu

Osasun zentro bat dago. Zentroa Txomin Garat kalearen eta Gabriel Aresti kalearen artean dago.

GarraiobideakAldatu

Txurdinaga Bilbo erdigunearekin autobusen bidez eta taxien bidez lotuta dago.

Linea	Ibilbidea	Maiztasuna (minutuak)
03	Plaza Biribila - Otxarkoaga	10´
13	San Inazio - Txurdinaga	12´
30	Txurdinaga - Miribilla	15´
34	Otxarkoaga - Santutxu	30´
38	Otxarkoaga - Termibus	15´
43	Garaizar - Santutxu	30´
G2	Otxarkoaga - Plaza Biribila	30´
A-3631	Bilbao - Galdakao Begoñatik	20´
A-2321	Santutxu - UPV/EHU autopistatik	30´

ElkarteakAldatu

Kale Dor Kayiko euskal ijito elkarteak Txurdinagan dauka egoitza nagusia, Otxarkoaga, Erandio, Portugalete eta Irunen ere ordezkaritza bana duen arren.