Txantiloi:2008-9 Nabarmendutakoa
Alemaniako historia herri germaniarrak lurralde horretara iristean hasten da.
Tribu germaniarren sorrera Brontze Aroan, edo, azkenera jota, erromatarren aurreko Burdin Aroan, gertatu zela onartzen da oro har. Eskandinaviako hegoaldetik eta Alemaniako iparraldetik, tribuek hegoaldera, ekialdera eta mendebaldera jo zuten K. a. I. mendean. Galiako zeltekin zein Ekialdeko Europako tribu iraniar, baltiko eta eslaboekin harremanetan sartzen. Ezer gutxi jakiten da aurreko historia germaniar honi buruz, Erromatar Inperioarekiko hartu-emanek, ikerketa etimologikoek edo arkeologiako aurkikuntzek diotena izan ezik.
Augustoren agintaldian, Varo jeneral erromatarrak Germaniaren konkista ekin zion, Germania Rhin ibaiaz haratago zegoen lurraldea izanik. Garai honetan, tribu germaniarrak ezagun bilakatu ziren armada erromatarrentzat. K. o. 9an, Varo buru zuen armadak porrot itzela pairatu behar izan zuen Teutoburgeko Oihanean, Arminio buru germaniarraren aurka. Honela erromatarren aurreratzea galarazita, Rhin eta Danubio ibaiez haratago dagoen egungo Alemania inperiotik kanpo geratu zen.