Ardagai gorrikor
Ardagai gorrikorra (Daedaleopsis confragosa) Polyporaceae familiako onddo espezie bat da.[1] Ezin da jan. Bere haragia kortxoa bezalakoa da.
| Ardagai gorrikorra | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Sailkapen zientifikoa | ||||||||||||||||||||||||||||
| Erreinua | Fungi | |||||||||||||||||||||||||||
| Klasea | Agaricomycetes | |||||||||||||||||||||||||||
| Ordena | Polyporales | |||||||||||||||||||||||||||
| Familia | Polyporaceae | |||||||||||||||||||||||||||
| Generoa | Daedaleopsis | |||||||||||||||||||||||||||
| Espeziea | Daedaleopsis confragosa J.Schröt., 1888 | |||||||||||||||||||||||||||
| Mikologia | ||||||||||||||||||||||||||||
| ||||||||||||||||||||||||||||
Sinonimoak: Lenzites confragosa, Daedalea confragosa, Trametes rubescens.
Deskribapena aldatu
Karpoforoa: 5 eta 15 cm bitarteko diametrokoa, zertxobait konkorduna, giltzurrun formakoa, eremu zirkularrekin, erradialki zimurtsua, kolore askotarikoa: okre-haragi kolorekoa edo arre-gorrixka. Ertz kamutsa, hasieran zurixka.
Himenioa: 15 mm arteko geruza bakarreko tutuak. Krema kolore zikineko poroak, arrosak, arrexkak edo arre-zikinak, itxura aldakorrekoa: biribilduak, luzangak edo labirintikoak, Daedaleopsis tricolor-ean orri itxura hartuz.
Bilbea: Okre antzeko kolorekoa hasieran, gero arrexka-gorrixka samarreko kolorekoa. Suberosoa.[2]
Etimologia: Confragosa epitetoa latinetik dator, latza, esan nahi duen, "confragosus" hitzetik. Kapelaren gainazalak itxura zimurra duelako.
Jangarritasuna aldatu
Ez da jangarria.
Nahasketa arriskua aldatu
Espeziearen poliformismoa dela eta, interesgarritzat jotzen da bi mutur irudikatzea: espezie tipoa, poro biribildu edo luzangak dituena, Daedaleopsis confragosa, eta orrien itxurakoa dituen Daedaleopsis tricolor.
Sasoia eta lekua aldatu
Udazkenean, hostozabalen egurretan.[3]
Banaketa eremua aldatu
Asia osoa, Europa, Ipar Amerika, Erdialdeko Amerika, Australia, Hegoafrika, Brasil.
Galeria aldatu
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 655 or. ISBN 84-404-0530-8..
Kanpo estekak aldatu
Datuak: Q2120850
Multimedia: Daedaleopsis confragosa / Q2120850
