Himenio
Oholesi-forman ordenatuta dauden eta askuak edo basidioak eratzen dituzten hifek sortzen duten geruza espora-emailea
Himenioa onddoen fruitu-gorputzean dagoen ehun emankorra da. Himenioko zelulen garapenaren ondorioz esporak ekoizten dituzten basidioak edo askoak eratzen dira. Zenbait espezietan himenioko zelula guztiak bilakatzen dira basidio edo asko, eta beste espezie batzuetan zeluletako batzuk emankortasuna galdu eta zistidioak eratzen dituzte (basidiomikotoetan) edo parafisiak (askomikotoetan).
![](http://upload.wikimedia.org/wikipedia/commons/thumb/e/e9/Lamellen.jpg/220px-Lamellen.jpg)
Himenioaren forma perretxikoen sailkapen eta identifikazioan erabiltzen den lehen ezaugarrietakoa da. Ondoko zerrendan perretxiko zenbaitek daukaten himenio-mota adierazten da:
- Azpibeltzean himenioa orrien aurpegi bertikaletan kokaturik dago.
- Boletoetan belaki antzeko masa baten hodietan dago.
- Astaputzean barnekoa da.
- Zakilean barnean garatzen da eta gero kanpora irteten da gelatina kirastun gisa.
- Katilu laranjan katiluaren alde ahurrean dago.
- Tripaki argian hortz itxurako arantzen kanpoaldean hazten da.