Leandro María Juan Ramón "Tito" Irazusta Adarraga (Hernani, 1955eko uztailaren 14a) euskal kazetari eta irrati-esataria da. Egun Realaren gaineko informazioaz berri emateagatik ezaguna bada ere bere kazetari ibilbidean makina bat arlotan aritu da Tito, besteak beste txirrindularitza, saskibaloia eta batez ere futbolean.

Tito Irazusta
Bizitza
JaiotzaHernani1955eko uztailaren 14a (68 urte)
Herrialdea Gipuzkoa, Euskal Herria
Familia
Anai-arrebak
Hezkuntza
Hizkuntzakeuskara
gaztelania
Jarduerak
Jarduerakkazetaria eta telebista aurkezlea

titoirazusta.com
Twitter: TitoIrazusta Edit the value on Wikidata

Familia kirolaria aldatu

Herri Irratian hasi zen kirolarenganako maitasunagatik izan ere kirolaren munduan murgiltzea ez zen zaila izan hernaniarrarentzat oso familia kirolaria baitu:

  • Luis Adarraga, bere aitona, Euskal-Nafar estreinako txapelduna izan zen txirrindularitzan.
  • Leandro Irazusta, bere aita, Gipuzkoako Txirrindularitza Federazioko presidente izan zen.
  • Karmen Adarraga, bere ama, aitzindaria izan zen gipuzkoar kirolean eta saskibaloi, eskubaloi eta hockeyko selekzio nazionaletan aritu zen.
  • Juan Luis Irazusta: bere anaia. Lehen mailan aritu zen Sabadell eta Real Zaragozan atezain moduan.
  • Susana Irazusta: haren arreba. Espainiako txapeldun 4x400m hesi-lasterketetan eta aitzindaria nazio mailan 400 metro hesi-lasterketetan.

Ibilbidea aldatu

  • Teledonosti: bertako zuzendari lanak egin zituen ere 2017ko urtarrilaren 30era arte, 23 urte ostean azken "Minuto 90 y tantos" kirol-saioarekin erretiratu zen arte.
  • Punto Radio: zuzendaria izan zen ere.[1]
  • Diario Vasco
  • Cope: Gipuzkoako COPE irratiko zuzendaria izan zen.[2]
  • Cadena SER: 1987an barneratu zen hedabide honetan Herri Irratia utzita. Sekulako lan taldea izan zuen bertan, batez ere txirrindularitzako emankizunetan: Jose Ramón De la Morena, Manolo Lama eta José Ignacio Tornadijo, Tito bera ahaztu gabe, jakina.
  • Egin: kirol saileko arduraduna.[3]
  • Herri Irratia: hamalau urtez aritu zen bertan 1973tik 1987ra eta kirol saileko arduraduna[4] izan zen.

Irratia eta egunkariak aldatu

Askotan aritu da bi hedabideetan aldi berean. Inoiz galdetu diotenean zein nahiago duen beti esan du irratia duela kuttunago:[5] bere hitzetan irratia oso bizia da, mementukoa. Egunkarian egindako lanarengatik erantzunaren zain beti hurrengo egunera arte itxaron behar da.

Realaz gain Miguel Indurain jarraitu du urte askoz Tourrean bai irratiz zein idatziz, zenbait Joko Olinpikoez eman du berri eta hainbat sari banaketa eta aurkezpenetan egin du anfitrioi rola.

44 denboraldi Realarekin aldatu

Donostiako futbol talderik garrantzitsuenak asko dio zor Titori eta Titok ere bueltan. 2017an 44 denboraldi bete ziren Titok Realari buruzko informazioa ematen zuela eta urtarrilaren 30ean erretiroa hartu zuen bere azkeneko "Minuto 90 y tantos" kirol-saioa eginez. Gertakari askoren testigu izan da Realarekin: liga txapelketak, Europako Kopako finalerdiak, Errege kopa, … Maitasun-gorroto harreman honek islada izan zuen Irazustak bere 10.000. kirol programa egin zuenean 2011n “Punto Radio” irratian zegoela.[6] Data berezi hau ospatu egin zen eta bertan Luis Arkonada, Roberto Lopez Ufarte eta Bixio Gorriz jokalari ohiak izan ziren, besteak beste. Gainera, Iñaki Alkizak, Realeko presidente ohiak, kamiseta bat oparitu zion eta Alberto Ormaetxearen alarguna ere bertan izan zen gonbidatu gisa.

Ikus gainera aldatu

Erreferentziak aldatu

Kanpoko loturak aldatu

  • 2017-02-07an Joseba Iturriak Gararako egindako elkarrizketa (gaztelaniaz).