Stictoleptura rubra
Stictoleptura rubra Cerambycidae familiako kakalardo saproxilikoa da, zientziarako Lineok 1758an deskribatu zuena.[1]
| Stictoleptura rubra | |
|---|---|
_m%C3%A4nnlich_1687.JPG) | |
.JPG) Stictoleptura rubra, emea | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Cerambycidae |
| Leinua | Lepturini |
| Generoa | Stictoleptura |
| Espeziea | Stictoleptura rubra Linnaeus, 1758 |
Deskribapena aldatu
Gorputzak 10-19 mm arteko luzera du. Dimorfismo sexual nabarmena dago. Arrak burua, antenak, pronotoa eta eskuteloa beltzak ditu, eta elitroak marroiak edo okreak. Emearen burua, antenak, eta eskuteloa beltzak dira, eta pronotoa eta elitroak marroi-laranja edo gorri-laranja kolorekoak.[2] Askotan emearen elitroak handiagoak eta zabalagoak izaten dira arrarenak baino.
Bizilekua aldatu
Larbak koniferoen basoetako (Picea eta Pinus batez ere; batzuetan Abies edo Larix) zuhaitz hiletan eta motzondoetan bizi dira. Helduak maiatza/ekaina eta iraila bitartean ikusten dira, loredun landareetan. Bizi zikloak 2-3 urte irauten du.[2][3]
Elikadura aldatu
Larbak usteldura hezeetan garatzen dira. Onddoen jarduerak egur hila eraldatzen du eta, era horretan, baliabide egoki bilakatzen da kakalardo xilofagoentzat.[4] Helduek polen edota nektarra jaten dute.
Banaketa aldatu
Europan, Iberiar penintsulatik Errusiaraino, iparraldeko Afrikan eta Asia Txikian banaturik dago.[5] Arrunta da Euskal Herrian.[6]
Erreferentziak aldatu
- ↑ Stictoleptura rubra (Linnaeus, 1758). eu-nomen.eu (Noiz kontsultatua: 2019-11-7).
- ↑ a b Steiner, Axel. Stictoleptura rubra (Linnaeus, 1758). natur-in-nrw.de (Noiz kontsultatua: 2019-11-8).
- ↑ Stictoleptura rubra (Linnaeus, 1758). bioinfo.org.uk (Noiz kontsultatua: 2019-11-8).
- ↑ Filipiak, Michał; Sobczyk, Łukasz; Weiner, January. Fungal Transformation of Tree Stumps into a Suitable Resource for Xylophagous Beetles via Changes in Elemental Ratios. Insects 7(2), 2016ko apirila, researchgate.net (Noiz kontsultatua: 2019-11-8).
- ↑ Stictoleptura rubra. cerambycoidea.com (Noiz kontsultatua: 2019-11-8).
- ↑ Alonso Román, I.; Bahillo de la Puebla, P.. Catálogo de los coleópteros de la Comunidad Autónoma del País Vasco (Insecta: Coleoptera). Heteropterus Revista de Entomología, 19 (1) : 1-266, heteropterus.org (Noiz kontsultatua: 2019-11-10).
Kanpo estekak aldatu
Datuak: Q1928502
Multimedia: Stictoleptura rubra / Q1928502
Espezieak: Stictoleptura rubra
