Sirte[1] (arabieraz: سرت‎Surt; italieraz: Sirte) Libiako basamortuko hiri bat da, Sirte barrutikoa. Herrialdeko Gobernuaren instituzio garrantzitsu batzuk egoitza dute Sirte hirian. Sirteko golkoko hegoaldeko kostaldean dago. Tripoli hiriburuaren eta Bengazi hiriaren erdibidean dago Sirte. Muammar al Kadafi agintaria Sirten jaio (1942) eta hil (2011) zen.

Sirte
portu-hiria
Sirte2.jpg
Administrazioa
Estatu burujabe Libia
District of LibyaSurt
Geografia
Koordenatuak 31° 12′ N, 16° 36′ E / 31.2°N,16.6°E / 31.2; 16.6Koordenatuak: 31° 12′ N, 16° 36′ E / 31.2°N,16.6°E / 31.2; 16.6
Altuera 28 m
Demografia
Biztanleria 76.788
Red Arrow Down.svg-63.212 ()
Informazio gehigarria
Hiri senidetuak Ujda

Sirten sinatu zuten Afrikar Batasuna sortzeko ituna 1999. urtean. Kongoko Bigarren Gerrari amaiera emateko ituna ere Sirten sinatu zuten urte horretan bertan, 1999an.

Hiriaren antzinako izena Syrtis Maior (antzinako grezieraz: Σύρτις) zen. Syrtis Minor izeneko hiria, ostera, Gabesko golkoan dago.

Libiako gerra zibilean, Kadafi babesten zuten tropen eta matxinatutako gerrarien arteko azkenengo borrokaldia Sirten izan zen. Hiria suntsituta geratu zen, eta Kadafi menperatu egin zuten.

HistoriaAldatu

Erromatarrek Syrtis Maior esaten zioten hiriari, baita Colluba eta Barbaras Syrtes ere.

Darfurko elkarrizketakAldatu

2007. urteko urrian Sudango gobernuaren eta Darfurko talde matxinatu batzuen arteko elkarrizketak Sirten izan ziren.

Libiako hiriburuaAldatu

Kadafik ahaleginak egin zituen Libiako hiriburua Sirtera aldatzeko, besteak beste estrategia-arrazoiengatik. Egon ere, Libiako gobernuko hainbat egoitza nagusi Sirten daude, hala nola Kongresuaren Jauregia, Afrika iparraldeko handienetarikoa.

2011ko Sirteko batailaAldatu

Kadafiren diktaduraren amaiera aldarrikatuta zegoen arren, diktadorearen aldekoek eta kontrakoek Sirte hiriarengatik borrokan jarraitu zuten. Azkenean, matxinatuek NATOren laguntzaz 2011. urteko urriaren 20an Kadafi eta bere jarraitzaileak menperatu egin zituzten, eta diktadorea hil ere egin zuten.

KlimaAldatu

      Datu klimatikoak (Sirte)      
 Hila   Urt   Ots   Mar   Api   Mai   Eka   Uzt   Abu   Ira   Urr   Aza   Abe   Urtekoa 
Batez besteko tenperatura maximoa (°C) 17 18 20 22 24 27 28 29 29 27 22 18 23
Batez besteko tenperatura minimoa (°C) 11 11 13 16 18 21 23 24 23 21 16 12 17
Pilatutako prezipitazioa (mm) 38 23 13 5 3 0 0 0 10 23 25 43 185
Iturria: Weatherbase[2]


Kultura eta HezkuntzaAldatu

Sirten Al Tahadi Unibertsitatea dago; hamahiru fakultate ditu, Zuzenbidea eta Medikuntza barne.

ErreferentziakAldatu

Kanpo estekakAldatu