Sarri, Sarri

Sarri, Sarri Kortatu taldearen euskarazko abesti ezagunenetakoa da. Hitzak Fermin Muguruzak eta Josu Landak idatziak dira, Frederick "Toots" Hibbertek Toots and the Maytals bere taldearentzat moldaturiko "Chatty Chatty" musikaren gainean. Abestiak Ruper Ordorikaren laguntza izan zuen.

Sarri, Sarri
Kortatu(r)en abestia Kortatu albumetik
Argitalpena	1985
Grabazioa	Tsunami estudioa, Donostia, 1985
Musika mota	Ska
Iraupena	4:07
Diskoetxea	Soñua
Idazlea	Frederick "Toots" Hibbert
Ekoizlea	Joseán López
Kortatu abesti zerrenda
"Sospechosos" (8) "Sarri, Sarri" (9) "La Familia Iskariote" (10)

Hitzak 1985. urtean idatzi zituzten, urte horretako San Fermin egunean etakide izateagatik kondenatutako bi presok Martuteneko espetxe barruan Imanol Larzabal kantariak emandako kontzertu baten aukera baliatuz, bozgorailu batean ostenduta ihes egin ondoren. Iheslariak Iñaki Pikabea, Piti, eta Joseba Sarrionandia, Sarri, ziren. Gertaera haren omenez Kortatu taldeak Sarri, Sarri kanta egin zuen.

Hogei urte geroago AVT erakundeak Fermin Muguruza, Kortaturen abeslaria izan zena, boikotatzeko erabili zuen. AVT-ek Muguruza salatu zuen emanaldi batzuetan abestia interpretatu zuelako. 2024. urtean, Fermin Muguruzak kontzertua eman zuen Martutenen Des-Kontrol taldearekin batera, eta kantua abestu zuen. Kontzertuko zati hori airetik grabatu zuten. Bada, COVITE elkarteak «lotsagarritzat» jo zuen emanaldia, eta biktimentzako «iraina» zela esan zuen. Eusko Jaurlaritzako Justizia eta Giza Eskubideen Sailak barkamena eskatu zuen kontzertuagatik eta horrelako ekitaldietan neurriak zorroztuko zituela.

Kanpo estekak

• Kantaren hitzak
• Bideoklipa Youtuben

• Datuak: Q3326897