San Salvador monasterioa (Oña)

San Salvador monasterioa (gaztelaniaz: Monasterio de San Salvador de Oña) Burgosko Oña hiribilduan dagoen monasterio bat da. Bertan izan zen abade San Eneko Oñakoa, eta bertan dago hilobiratuta, besteak beste, Antso III.a Nagusia errege nafarra.

San Salvador monasterioa
Kultura ondasuna
San Salvador monasterioa ikuspegi orokorra. Irudi gehiago
Kokapena
Estatu burujabe	Espainia
Autonomia	Gaztela eta Leon
Probintzia	Burgosko probintzia
Udalerria	Oña
Koordenatuak	42°44′01″N 3°24′47″W
Historia eta erabilera
Irekiera	1011
Jabea	Burgosko Probintziako Diputazioa
Izena	Salvator Mundi (en)
Arkitektura
Ondarea
BIC	RI-51-0000462
Webgune ofiziala

Historia

1011n Antso Gartzia I.a Gaztelako kondeak eratu zuen Tigridia bere alabarentzat. Monasterio bikia izan zen: San Juan de Cillaperlatatik etorritako mojak eta San Salvador de Loberuelatik etorritako fraideak bizi ziren bertan.

1033ko ekainaren 30ean Antso III.a Nagusiak eta Munia Gaztelakoak clunytarrei eman zieten. Ordutik aurrera garapen eta eragin handia izan zituen, bere jurisdikziopean Burgosko probintzia, Kantabria eta Palentziako Pisuerga ibaiaren haraneko hainbat monasterio izanik.

1506ean Valladolideko beneditarren eskuetan geratu zen. Frantziar inbasioaren eta desamortizazioaren ondorioz, 1835ean bere eliza herriko parrokia bilakatu zen. 1880an jesuitek okupatua izan zen, 1968ra arte. Ordutik aurrera Burgosko Aldundiarena da eta urtetan ospitale psikiatriko bat eraiki zuten bertan.

Gaur egun ospitalea itxita dago eta eraikina erabat utzita. Parapsikologiaren zaleen artean leku erakargarria da.

Erregeen hilobia

Bertan hainbat errege eta noble lurperatuta daude:

- Ebanjelioren ondoan, baldakin baten behean:

• Antso II.a Gaztelakoa (1038-1072)
• Antso III.a Nafarroakoa (990/992-1035)
• Munia Gaztelakoa erregina (990/995-1066)
• Gartzia Gaztela eta Bartzelonakoa infantea (1142-1146)

- Epistolaren ondoan, baldakin baten behean:

• Antso Gartzia I.a († 1017)
• Urraka Gomez (?-?)
• Gartzia II.a Gaztelakoa (1009-1028)
• Filipe Gaztela eta Molinakoa infantea (1292-1327)
• Henrike Gaztela eta Molinakoa infantea (1288-1299)

Kanpo estekak

• Datuak: Q1226855
• Multimedia: Monastery of San Salvador of Oña / Q1226855