San Mames eliza (Oteo)
San Mames eliza Oteo herriko parrokia-eliza da, Kanpezuko udalerrian. XII-XIII. mendeetako hastapen erromanikoak ditu, baina XVI. mendean zaharberritu zen. Kanpoaldean erdi aroko elizaren zenbait aztarna ikus daitezke (XIII. mendekoak). Balizko arkeologia gune baten babesa du elizak[1].
| San Mames eliza (Oteo) | |
|---|---|
 | |
| Kokapena | |
| Herrialdea |  Euskal Herria |
| Probintzia |  Araba |
| Herria | Oteo |
| Koordenatuak | 42°42′58″N 2°21′56″W / 42.71614609°N 2.36568765°W |
 | |
| Historia eta erabilera | |
| Izenaren jatorria | Mami Zesareakoa |
| Erlijioa | katolizismoa |
Eraikina
aldatuSaloi-oinplanoa du, baina alboetan bi kaperek gurutze latindar itxura ematen diote. Ganga hasierako tartean, pinturak dituen tertzelete-gurutzeriaz estalita dago, eta bigarren tartean, aldiz, nerbioduna da. Bigarren zati horretan San Pedroren aurpegia dago eta koroaren aldean armarri bat agertzen da. Kanpandorreak oinplano irregularra du eta harlanduzkoa da, eta lau arku ditu kanpaietarako[2].
Barrualdea
aldatuErretaula nagusia XVI. mendekoa da. Lehengo bankuan, San Mamesen erliebea dago, ermitau jantzita. Bigarren bankuan, Mariaren irudia dago eserita eta eskumako belaunean haurra duela. Hirugarren bankuan, Andre Mariaren Jasokundearen irudia dago, eta erretaularekin amaitzeko, Kalbarioaren taldea.
Alboetako erretaulak Andre Maria Arrosarioari eta San Migeli eskainita daude. Jesusen Bihotza, Sortzez Garbia, San Josef eta Karmengo Andre Mariaren irudiek osatzen dute eliza.
Erreferentziak
aldatu- ↑ «Santi Mami parrokiako eliza (San Mamés). Ondarea. Euskal Ondare Kulturalaren Informazio Sistemaren hasiera orria» www.euskadi.eus (Noiz kontsultatua: 2021-10-17).
- ↑ «Oteo – Ayuntamiento de Campezo · Kanpezuko Udala» www.kanpezu.eus (Noiz kontsultatua: 2021-10-17).
Kanpo estekak
aldatu
Datuak: Q108915563
Multimedia: San Mames Church, Oteo / Q108915563
