Sally Salminen

Sally Alina Ingeborg Salminen (Vårdö, Åland, Finlandia, 1906ko apirilaren 25a – Kopenhage, Danimarka, 1976ko uztailaren 18a), geroago Salminen-Dührkop, nazioartean ezaguna den nobelagile finlandiarra izan zen, suedieraz idatzi zuena . Åland uharteetatik (Finlandia) etorria zen. Literaturako Nobel sarirako izendatu zuten hiru aldiz.

Sally Salminen
(1941) Irudi gehiago
Bizitza
Jaiotzako izen-deiturak	Sally Alina Ingeborg Salminen
Jaiotza	Vårdö, 1906ko apirilaren 25a
Herrialdea	Finlandia Danimarka  (1940 -
Lehen hizkuntza	suediera
Heriotza	Kopenhage, 1976ko uztailaren 18a (70 urte)
Hobiratze lekua	Holmen Cemetery (en)
Familia
Haurrideak	ikusi Uno Salminen (en) Aili Nordgren (en) Runar Salminen (en)
Hezkuntza
Hizkuntzak	suediera
Jarduerak
Jarduerak	idazlea
Lan nabarmenak	ikusi Katrina (en)
Jasotako sariak	ikusi Tollander Award  (1937)

Biografia

Hamabi neba-arreba ziren eta bera zortzigarrena zen. Txikitan, idazle bihurtzeko ideia zuen, baina bere burua pobreegitzat eta prestakuntzarik gabekotzat jotzen zuen idazle gisa arrakasta izateko. Sendotza hartu ondoren, herriko janari-dendan lan egin zuen, Stockholmera (Suedia) dontzeila lan egitera joan zen arte. Suedian egon zen bitartean, korrespondentzia bidezko ikastaroak egin zituen eta bere denbora libreanl iburuak irakurri zituen.

1930ean, Sally eta haren ahizpa, Aili, New Yorkera joan ziren. Han zegoela, bere denbora librean idatzi egiten zuen, eta hantxe hasi zuen bere lehen nobela ezagunenaren, Katrina lanaren, eskuizkribua. Finlandiako Holger Schildts Förlag editore suediarrak 1936an idazketa-lehiaketa bat iragarri zuen, eta Salminenek eskuizkribua aurkeztu zuen. Irabazi egin zuen eta Katrina urte berean argitaratu zen. Nobelak, ezkondu ondoren Ålandera joan zen emakume ostrobotnia baten, Katrinaren, bizitza kontatzen du. Katrina nazioarteko arrakasta bihurtu zen, eta denborarekin hogei hizkuntza baino gehiagotara itzuli zen.

Sally Salminen Johannes Dührkop daniar margolariarekin ezkondu zen 1940an, eta Danimarkara joan zen bizitzera. Salminenek idazle emankorra izaten jarraitu zuen, baina ez zen gai izan Katrina lehen nobelaren arrakasta errepikatzeko. Katrinaz gain, haren obra garrantzitsuenak Prins Efπ(1953) eta Vid Havet (1963) dira.

Familia

Salminenen ahaide batzuk ere idazle nabarmenak izan ziren. Aili Nordgren (jaiotzez Salminen) (1908–1995) ahizpak hainbat liburu idatzi zituen. Runar Salminen neba txikiak (1912-1988) zenbait poesia-antologia kaleratu zituen, eta Uno Salminen neba nagusiak (1905-1991) fikziozko Erik Sundblom pertsonaiari buruzko trilogia liburua idatzi zuen.

Gainera, Aili Nordgren Ralf Nordgren (1936) eta Christina Remmerren (1941) semeak, Uno Salminenen alabak, hainbat liburu idatzi zituzten.

Bibliografia

Eleberriak

• Katrina (1936)
• Den långa våren (1939)
• Mariana (1940)
• Plös sand (1941 å)
• Lars Laurila (1943)
• Nya land (1945)
• Barndomens land (1948)
• Smvärldar (1949)
• Klyftan och stjärnan (1951)
• Prins Efπ(1953)
• Spår på jorden (1961)
• Vid havet (1963)

Saiakuntzak

• Jerusalem (1970)
• På färder i Israel (1971)

Autobiografikoa

• Upptäcktsresan (1966)
• Min amerikanska saga (1968)
• I Danmark (1972)
• Världen öppnar sig (1974)

Iruditegia

• 
  Sally-Salminen, 1930
• 
  Sally-Salminen, 1940
• 
  Sally-Salminen, 1940
• 
  Sally-Salminen, 1940
• 
  Sally-Salminen, 1960
• 
  Sally-Salminen, 1960
• 
  Sally-Salminen, 1960
• 
  Sally Salminen (1906-1976) idazlearen eta Johannes Dührkop (1903-1985) margolariaren hilobia Holmens Kirkegården, Kopenhagen.

Kanpo estekak

• Sällskapet Salminens Vänner r.f., gaur egun desagertuta dagoen erakundea (suedieraz)
• Ralf Nordgren, Aili Nordgren, Runar Salminen eta Sally Salminenen biografia laburrak (finlandieraz)

• Datuak: Q344320
• Multimedia: Sally Salminen / Q344320